Skin Care: सैल त्वचा होईल टाईट! गोकर्णाच्या फुलांपासून घरीच तयार करा नाईट क्रीम, चेहऱ्यावरील काळे डाग- सुरकुत्या होतील गायब

Skin Care: चेहऱ्यावर आलेल्या सुरकुत्या, सैल पडलेली त्वचा, काळे डाग घालवण्यासाठी बाजारातील महागड्या प्रॉडक्टचा वापर करण्याऐवजी गोकर्णाच्या फुलांचा वापर करून बनवलेली नाईट क्रीम वापरावी. यामुळे त्वचा आतून स्वच्छ होण्यास मदत होते आणि सुरकुत्या कमी होतात.

Skin Care: चेहऱ्यावरील चमक वाढवण्यासाठी महिला सतत काहींना काही करत असतात. कधी बाजारात उपलब्ध असलेल्या महागड्या क्रीमचा वापर केला जातो तर कधी स्किन ट्रीटमेंट करून त्वचेची काळजी घेतली जाते. पण वारंवार केमिकल युक्त स्किन केअर प्रॉडक्ट वापरण्याऐवजी नैसर्गिक पदार्थांचा वापर त्वचेसाठी करावा. वातावरणात होणारे बदल, कामाचा वाढलेला तणाव, मानसिक तणाव, पोषक घटकांची कमतरता, अपुरी झोप इत्यादी अनेक गोष्टींचा परिणाम त्वचेवर झाल्यानंतर तरुण वयातच त्वचा सैल पडते. सुरकुत्या किंवा सैल पडलेली त्वचा पुन्हा एकदा चांगली करण्यासाठी बोटॉक्स किंवा फिलर्ससारख्या महागड्या ट्रीट्मेंट करून घेतल्या जातात. पण त्याऐवजी गोकर्णाच्या फुलांचा वापर करून झटपट तुम्ही नाईट क्रीम तयार करू शकता. चला तर जाणून घेऊया.(फोटो सौजन्य – AI)

Skin Care Tips: सकाळी उठल्यानंतर चेहऱ्यावर येईल नॅचरल ग्लो! रात्री झोपण्यापूर्वी फाॅलो करा ‘हे’ स्किन केअर रूटीन

नाईट क्रीम बनवण्यासाठी लागणारे साहित्य:

• गोकर्णाची फुले
• कॉर्नफ्लोर
• कोरफड जेल
• विटामिन ई कँप्सूल
• बदामाचे तेल

नाईट क्रीम बनवण्याची कृती:

गोकर्णाच्या फुलांपासून क्रीम बनवण्यासाठी सर्वप्रथम, गोकर्णाच्या फुलांचा हिरवा भाग तोडून वेगळा करा. त्यानंतर फुले पाण्याने स्वच्छ धुवून घ्या. त्यानंतर वाटीमध्ये पाणी घेऊन त्यात फुले १५ ते २० मिनिटं तसेच टाकून ठेवा. हळूहळू पाण्याचा रंग निळा होण्यास सुरुवात होईल. त्यानंतर फुले पाण्यासोबतच मिक्सरमधून टाकून बारीक वाटून घ्या. त्यानंतर वाटीमध्ये एक चमचा कॉर्नफ्लोर घेऊन त्यात तयार केलेली पेस्ट घालून मिक्स करा. कॉर्नफ्लोरचा अजिबात गुठळ्या होऊ देऊ नयेत. भांड्यात गरम पाणी करून त्यात तयार केलेली पेस्ट ठेवून चमच्याने सतत मिक्स करत राहा. २ ते ३ मिनिटं झाल्यानंतर गरम पाण्यातून वाटी काढून थंड करण्यासाठी ठेवा. थंड झाल्यानंतर त्यात बदाम तेल, विटामिन ई कँप्सूल, कोरफड जेल घालून व्यवस्थित मिक्स करा.

गोकर्णाच्या फुलांपासून कसा तयार करायचा फेस सिरम? सुरकुत्यांपासून चेहऱ्यावरील सर्व डाग होतील दूर, फाॅलो करा ही सोपी पद्धत

तयार केलेल्या मिश्रणाला थिकनेस आल्यानंतर काचेच्या हवाबंद डब्यात क्रीम भरून ठेवा. तयार केलेली क्रीम नियमित रात्री झोपण्याआधी चेहऱ्यावर आणि मानेवर लावून हलक्या हाताने मसाज करा. मसाज केल्यामुळे त्वचेवरील रक्तभिसरण सुधारण्यास मदत होईल आणि सुरकुत्या, सैल पडलेली त्वचा घट्ट होईल. त्वचेच्या वाढत्या समस्यांपासून आराम मिळवण्यासाठी गोकर्णाच्या फुलांपासून बनवलेल्या नाईट क्रीमचा वापर करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.