Travel News : थायलंडचे अनोखे मंदिर! इथे पूजा नाही तर फोटोशूट करायला जातात लोक…

थायलंडमधील एका प्रसिद्ध मंदिराचा सोशल मीडियावर वेगळ्याच कारणामुळे चर्चेत आलेला व्हिडिओ समोर आला आहे. येथे धार्मिक दर्शनासोबतच पारंपरिक पोशाखातील फोटोशूटसाठी पर्यटकांची मोठी गर्दी होत असल्याचे सांगितले जात आहे.

• थायलंडमधील अनोखे मंदिर.
• श्रद्धेसाठी नाही तर फोटोशूटसाठी भेट देतात लोक.
• जाणून घेऊया सविस्तर माहिती.

आपण आजवर अनेक मंदिरांविषयी ऐकले असेल. आपल्या धार्मिक श्रद्धेसाठी आणि तेथील इतिहासासाठी मंदिर लोकप्रिय ठरतात. पण तुम्हाला माहितीये का? थायलंडमध्ये एक असे अनोखे मंदिर आहे जे तेथील देवी-देवता किंवा श्रद्धेसाठी ओळखले जात नाही तर फक्त फोटोशूटसाठी याचा वापर करण्यात येतो. मंदिरात खरंतर अनेक ठिकाणी फोटो, व्हिडिओ काढायला मनाई असते पण या मंदिरात फक्त फोटोशूट करायलाच लोक भेट देतात. चला तर मग या मंदिराविषयी सविस्तर जाणून घेऊया.

Travel News : एकट्याने फिरण्याचा विचार करताय? या चुका टाळल्या तर प्रवास होईल सुरक्षित

काय मंदिराचे नाव?

थायलंडच्या या अनोख्या मंदिराचे नाव आहे वॉट अरुण. इथे फिरायला येणारे लोक पारंपारिक कपडे परिधान करुन येथे फोटोज आणि व्हिडिओज क्लिक करतात. आजच्या सोशल मिडियाच्या जगात सुंदर ठिकाणी पारंपारिक फोटोशूट करण्यासाठी हे ठिकाण थायलंडमध्ये लोकप्रिय आहे. जर तुम्ही कधी थायलंडला जाण्याचा विचार केला तर या ठिकाणाला भेट द्यायला विसरु नका.

पूजा नाही तर फॅशन शो

व्हिडिओ शेअर करणाऱ्या कंटेट क्रिएटरने सांगितले की, इतर मंदिरांपेक्षा या मंदिराचा अनुभव फार वेगळा आहे. तिने व्हिडिओत दाखवले की, इथे लोक दर्शनासाठी नाही तर पारंपारिक थाई पोशाख आणि दागिन्यांमध्ये सजून फक्त फोटोज क्लिक करायला येतात. क्रिएटरने व्हिडिओत म्हटले की, “भाऊ! काय जागा आहे ही! एक असं मंदिर जिथे लोक पूजा करत नाहीत, तर फॅशन शो भरवतात.” क्रएटरने स्वत:ही थायलंडचा पारंपारिक पोशाख आणि दागिने परिधान केले आणि पोझ देत अनोख्या मंदिराचा अनुभव घेतला.

रेंटल ड्रेस आणि दागिने

व्हिडिओत सांगितल्याप्रमाणे इथे तुम्हाला फोटोशूट करण्यासाठी मंदिराच्या बाहेरच भाड्यावर कपडे आणि दागिणे मिळतात. ते खरेदी करुन तुम्ही तुमचा छानसा लूक तयार करु शकता आणि मंदिराच्या सुंदर आवारात आपले फोटोशूट पूर्ण करु शकता. मंदिराच्या आत फोटोशूट करण्यासाठी तुमच्याकडून कोणतेही अतिरिक्त पैसे आकारले जात नाही, म्हणजेच कपडे आणि दागिण्यांसाठी पैसे द्यायचे असले तरी फोटोशूट तुम्ही फ्रिमध्ये करु शकता.

See more

भारतातील थंड वाळवंट जिथे मायनस 35 डिग्रीपर्यंत पोहचते तापमान, जाणून घ्या कुठे आहे ठिकाण?

दरम्यान व्हिडिओच्या कमेंट सेक्शनमध्ये एका यूजरने आपला अनुभव शेअर करत सांगितले की, या ठिकाणी फोटोशूट अजिबात मोफत नाही. त्याने क्रिएटरला लोकांची दिशाभूल करु नका, असेही सांगितले. यूजरच्या दाव्यानुसार, ३० मिनिटांसाठी ६०० बाहत आणि एका तासासाठी १००० बाहत असा दर मंदिरात आकारला जातो. रुपयांमधील रक्कम काढण्यासाठी याला ३ ने गुणावे लागेल. कपड्यांसाठी महिलांना २५० बाहत आणि पुरुषांना २०० बाहत शुल्क आकारले जाते.