Weight Loss Recipe: वजन नियंत्रणात ठेवण्यासाठी वाटीभर नाचणीच्या पिठाचा वापर करून बनवा जाळीदार हेल्दी ढोकळा, नोट करून घ्या रेसिपी

Weight Loss Recipe: सकाळच्या नाश्त्यात बिस्कीट किंवा ब्रेड खाण्याऐवजी वाटीभर नाचणीच्या पिठाचा वापर करून ढोकळा बनवू शकता. नाचणीच्या पिठापासून बनवलेला ढोकळा सहज पचन होतो आणि शरीरासाठी सुद्धा गुणकारी आहे.

वजन नियंत्रणात ठेवण्यासाठी वाटीभर नाचणीच्या पिठाचा वापर करून बनवा जाळीदार हेल्दी ढोकळा

Follow Us:

Follow Us:

Weight Loss Recipe: वजन वाढल्यानंतर ते कमी करण्यासाठी अनेक वेगवेगळे उपाय केले जातात. कधी आहारात बदल केला जातो तर कधी बाजारात उपलब्ध असलेल्या वेगवेगळ्या सप्लिमेंट्स, गोळ्या औषधांचे सेवन केले जाते. वारंवार सप्लिमेंट्स आणि गोळ्या खाल्ल्यामुळे वाढत्या वयात शरीराला गंभीर आजारांची लागण होण्याची जास्त शक्यता असते. त्यामुळे वजन कमी करताना योग्य डाएट फॉलो करणे फार आवश्यक आहे. बऱ्याचदा वजन वाढेल या भीतीने सकाळचा नाश्ता करणे टाळले जाते. चुकीचा डाएट फॉलो केल्यामुळे वजन कमी होण्याऐवजी शरीरात थकवा, अशक्तपणा वाढतो. त्यामुळे सकाळच्या नाश्त्यात हेल्दी आणि सहज पचन होणाऱ्या पदार्थांचे सेवन करावे. आज आम्ही तुम्हाला वाटीभर नाचणीच्या पिठाचा वापर करून खमंग जाळीदार ढोकळा बनवण्याची सोपी रेसिपी सांगणार आहोत. या पद्धतीने बनवलेला ढोकळा चवीला अतिशय सुंदर लागतो.(फोटो सौजन्य – pinterest)

Breakfast Recipe: गोड पदार्थ खाऊन कंटाळा आला आहे? मग १० मिनिटांमध्ये नाश्त्यासाठी बनवा खमंग कुरकुरीत कांद्याचे थालीपीठ

साहित्य:

• नाचणीचे पीठ
• तेल
• रवा
• दही
• पाणी
• आलं हिरवी मिरची पेस्ट
• इनो
• मोहरी
• पांढरे तीळ
• कढीपत्ता
• ओल्या खोबऱ्याचा किस

कृती:

• हेल्दी टेस्टी नाचणीचा ढोकळा बनवण्यासाठी सर्वप्रथम, मोठ्या वाटीमध्ये नाचणीचे पीठ, रवा, दही आणि चवीनुसार मीठ घालून एकत्र करून घ्या.
• तयार केलेल्या मिश्रणात आवश्यकता वाटल्यास पाणी मिक्स करावे. पिठाच्या अजिबात गुठळ्या होऊ देऊ नयेत. यामुळे ढोकळा मऊ होत नाही.
• तयार केलेले पीठ १५ ते २० मिनिटं झाकण मारून ठेवा. त्यानंतर तयार केलेल्या मिश्रणात आलं मिरची पेस्ट आणि इनो घालून पीठ व्यवस्थित मिक्स करा.
• ताटाला तेल लावून त्यात तयार केलेले पीठ ओतून वाफवण्यासाठी ठेवा. १५ ते २० मिनिटं ढोकळा वाफवण्यासाठी ठेवून द्या.
• ढोकळा थंड करण्यासाठी बाहेर काढून ठेवा. फोडणीच्या वाटीमध्ये तेल गरम करून त्यात मोहरी, हिंग, कढीपत्ता, हिरवी मिरची घालून भाजा आणि तयार केलेल्या ढोकळ्यावर ओता.
• सगळ्यात शेवटी ढोकळ्यावर ओल्या खोबऱ्याचा किस, बारीक चिरून घेतलेली कोथिंबीर घालून काप करून घ्या.
• तयार आहे सोप्या पद्धतीमध्ये बनवलेला नाचणीच्या पिठाचा हेल्दी टेस्टी ढोकळा.

Web Title: Weight loss recipe how to make ragi dhokala at home simple food recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com