लांब ट्रिपसाठी कपल्स घेत आहेत ‘ सीट डिव्होर्स’, लोकांना आवडत आहे हा अनोखा ट्रेंड?

Sear Divorce Trend : सीट डिव्होर्स हा जोडप्यांमध्ये वेगाने वाढत चाललेला नवीन ट्रेंड आहे. याचा अर्थ घटस्फोट असा असून प्रवासात काहीवेळ एकमेकांपासून दुर राहून स्वत:कडे अधिक लक्ष देणे असा आहे. चला याचे फायदे जाणून घेऊया.

• “सीट डिव्होर्स” हा कपल्समधील नवीन ट्रेंड आहे.
• यात प्रवासात जोडीदारापासून थोडं अंतर ठेवून स्वतःसोबत वेळ घालवण्यावर भर दिला जातो.
• या ट्रेंडमुळे दोघांनाही आपल्या आवडीनुसार प्रवासाचा आनंद घेता येतो

सोशल मिडिया ट्रेंड्स दिवसेंदिवस वेगाने वाढत असून अलिकडे कपल्समध्ये एक नवीन ट्रेंड उदयास आला आहे ज्याचे नाव आहे सीट डिव्होर्स. आता तुम्हाला वाटेल की हे नक्की काय आहे…तर चला या नव्या ट्रेंडविषयी सविस्तर जाणून घेऊया. विचार करा की, रोजच्या सहवासात, त्याच रुटीनमधून बाहेर पडत तुम्ही कुठेतरी फिरायला जाण्याचा विचार केला आहे. या नवीन ट्रीपमध्ये तुम्हाला स्वत:सोबत अधिक वेळ घालवायचा आहे. पण जर तुमचा पार्टनर यात लुडबुड करत असेल तर किंवा तुमचं यात दुमत होत असेल तर नात्यात संघर्ष निर्माण होतो.

फ्लाइटमध्ये आता ‘सोफा कम्फर्ट’! नवीन सीट डिझाइनने प्रवास होणार अधिक आरामदायी

या समस्येवर उपाय म्हणून सीट डिव्होर्स नावाचा नवा ट्रेंड कपल्समध्ये वेगाने व्हायरल होत आहे. याचा शब्दश: अर्थ घटस्फोट असा नसून जोडीदारापासून थोडं दूर स्वत:ला महत्त्व देणं असा आहे. म्हणजेच जेव्हा तुम्ही विमानाने, रेल्वेने किंवा गाडीत लांबचा प्रवास गाठत असाल तेव्हा तुम्ही एकमेकांच्या शेजारी बसण्याऐवजी वेगवेगळ्या आसनांवर बसण्याचा निर्णय घेता आणि स्वत:सोबत अधिक वेळ घालवता. हा ट्रेंड नात्यातील दुरावा वाढवण्यासाठी नाही तर नात्यात दुरावा वाढू नये म्हणून फाॅलो केला जातो.

जोडप्यांना का आवडत आहे हा नवा ट्रेंड?

• लांब पल्ल्याच्या प्रवासात प्रत्येकाला आपल्या आवडीनुसार वेळ घालवायचा असतो. प्रवासात लोक पुस्तक वाचून, झोपून किंवा स्मार्टफोनवर चित्रपट पाहून आपला वेळ घालवणे पसंत करतात. यासाठीची प्रत्येकाची आवड वेगवेगळी असू शकते.
• सिटी डिव्होर्समध्ये लोक प्रवासात वेगवेगळ्या सीटवर बसून कोणत्या संकोचोशिवाय आपल्याला हवं ते करु शकतात.
• विमानात प्रवास करताना सीट्स अरुंद असल्याने प्रवाशांना जोडीदारासोबत झोपता येत नाही किंवा त्यांनी भिती वाटते की, वारंवार हालचालींमुळे पार्टनरच्या झोपेत व्यत्यय तर येत नाही ना, यामुळे झोपेचा आनंद स्वातंत्र्यपणे घेता येत नाही.
• कदाचित तुमच्या पतीला खिडकीजवळची जागा आवडत असेल, तर तुमच्या पत्नीला मधल्या सीटजवळची जागा आवडत असेल, जेणेकरून तिला सहजपणे उठा-बसता येईल. एकमेकांसाठी तडजोड करण्याऐवजी, दोघेही आपापल्या पसंतीची जागा निवडून प्रवासाचा आनंद घेऊ शकतात.

याचा नात्यावर काय परिणाम होतो?

तुम्हाला हे जाणून आश्चर्य वाटेल पण काही काळ आपल्या जोडीदारापासून दूर राहिल्याने किंवा अंतर बनवल्याने नाते सुधारते. जेव्हा दोन व्यक्ती एकमेकांपासून दूर राहून त्यांनी आवडणारी एखादी गोष्ट निसंकोचपणे करतात तेव्हा त्यांनी आणखी आनंदी आणि समाधीनी वाटतं. या आरोग्यदायी अंतरामुळे स्वत:कडे लक्ष देता येते आणि अधिक आनंदाने प्रवासाचा आनंद घेता येतो.

भारतात नाही तर या देशात पर्वतांमध्ये वसलं आहे भगवान ‘हनुमानाचं मंदिर’, इथे घडते श्रद्धेचे अनोखे दर्शन

सावधगिरी बाळगणेही आवश्यक आहे.

सीट डिवोर्सचा हा ट्रेंड प्रामुख्याने अशा जोडप्यांसाठी आहे जे एकमेकांच्या गजा आणि स्वभाव समजून घेतात.
मौन घटस्फोटाची प्रथा प्रामुख्याने अशा जोडप्यांसाठी आहे, जे एकमेकांच्या गरजा आणि स्वभाव समजून घेतात. जर एका जोडीदाराला असुरक्षित वाटत असेल, तर या प्रथेमुळे तणाव देखील निर्माण होऊ शकतो. त्यामुळे, हा ट्रेंड फाॅलो करण्यापूर्वी दोघांची सहमती आणि मनाची तयारी पारखूनच पुढचा निर्णय घ्यावा.