HPV म्हणजे काय? संसर्ग कसा पसरतो, जेनेटिक काऊन्सिलिंग महत्त्वाचे

ह्युमन पापिलोमा व्हायरस हा नक्की काय आजार आहे आणि याचा संसर्ग कसा होतो हे सर्वांना माहीत असायला हवे. या आजाराला रोखण्यासाठी सर्वात महत्त्वाची भूमिका बजावते जेनेटिक काऊन्सिलिंग

ह्युमन पापिलोमा व्हायरस (HPV) हा अनुवांशिक आजार नाही. मात्र तो HPV पॉझिटिव्ह मातेकडून तिच्या नवजात अर्भकामध्ये संक्रमित होऊ शकतो. HPV हा त्वचेच्या संपर्कातून, बाधित व्यक्तीचे चुंबन घेण्यातून आणि लैंगिक संबंधांतून संक्रमित होतो. HPV हा सर्व्हायकल कॅन्सर, अ‍ॅनोरेक्टर आणि व्हजायनल कॅन्सरचे सामायिक कारण आहे. यात अनुवांशिकतेची महत्त्वाची भूमिका असते आणि त्यातून कोणाला हा संसर्ग होण्याचा धोका अधिक आहे हे शोधण्यास मदत होऊ शकते, म्हणूनच या आजाराला रोखण्यासाठी तसेच त्याच्या तपासणीसाठी जेनेटिक काउन्सिलिंग महत्त्वाचे ठरते. 

जनुकीय रचना निश्चितपणे समजण्यासाठी करण्यात येणारे HPV जीनोटायपिंगही करून घ्यायला हवे, कारण HPV चे वेगवेगळे प्रकार आहेत. जसे की ह्युमन ल्युकोसाइट अँटिजेनचा प्रभाव रोगप्रतिकारशक्तीवर पडू शकतो. त्याला सर्व्हायकल कॅन्सरसाठी अतिधोकादायक मानले जाते. तसेच त्यामुळे HPV चा परिणाम होण्याची शक्यता वाढते. तज्ज्ञ डॉ. सुषमा तोमर, कन्सल्टन्ट –  ऑब्स्टेस्ट्रिशियन व गायनेकोलॉजिस्ट, फोर्टिस हॉस्पिटल, कल्याण यांनी महत्त्वाची माहिती दिली आहे (फोटो सौजन्य – iStock)

100 वर्षे दीर्घायुषी होण्याचा सद्गुरूंचा मूलमंत्र, 90% लोक चुकीच्या पद्धतीने खातात अन्न; बदलेल आयुष्य

तपासणी महत्त्वाची 

एचपीव्ही-पॉझिटिव्ह महिलांमध्ये गर्भाशयाचा कर्करोग विकसित होत आहे का याची तपासणी करून त्यावर उपचार करण्यामध्ये जेनेटिक स्क्रीनिंग महत्त्वाची भूमिका बजावते. एचपीव्ही संसर्ग सामान्य असला तरी ज्या महिलांमध्ये या विषाणूचे एचपीव्ही १६ आणि १८ सारखे जास्त धोका असलेले स्ट्रेन असतात फक्त त्यांनाच गर्भाशयाचा कर्करोग होण्याची शक्यता असते. जेनेटिक स्क्रीनिंग मध्ये जेनेटिक मार्कर आणि कर्करोगाच्या वाढत्या संवेदनशीलतेशी संबंधित उत्परिवर्तन लक्षात येते, ज्यामुळे प्रतिबंध आणि उपचार करण्यास मदत होते असे न्यूबर्ग अजय शाह लॅबोरेटरीचे व्यवस्थापकीय संचालक डॉ. अजय शाह यांनी सांगितले. 

PCOS आणि थायरॉईडमध्ये काय आहे संबंध? कशी करावी चाचणी

उपाय आहेत शक्य 

हे स्क्रीनिंग वैयक्तिक जोखीम प्रोफाइलची सखोल माहिती देते आणि पॅप स्मीअर्स, एचपीव्ही यासारख्या पारंपारिक पद्धतींना पूरक आहे. एचपीव्ही-पॉझिटिव्ह महिलांच्या बाबतीत ते सुक्ष्म पातळीवर कर्करोगापूर्वीचे बदल लक्षात येऊ शकतात, ज्यामुळे गर्भाशयाच्या विकारात वाढ होण्यापूर्वी उपचार करणे शक्य होते. शिवाय, जेनेटिक स्क्रीनिंग मुळे वैयक्तिक उपाय योजना करणे शक्य होते. ज्यामध्ये विशेष देखरेख, जीवनशैली मध्ये बदल करणे आणि लस किंवा लक्ष्यित उपचारांसारखे प्रतिबंधात्मक उपाय समाविष्ट आहेत. गर्भाशयाच्या कर्करोगाचा प्रतिबंध विकसित होत असताना, नियमित काळजीसह जेनेटिक स्क्रीनिंग केल्याने डॉक्टरांना अधिक अचूक, प्रभावी उपाय करणे शक्य होते. ज्यामुळे एचपीव्ही-पॉझिटिव्ह महिलांसाठी परिणामांमध्ये लक्षणीय सुधारणा होते.