5 स्टार आणि 7 स्टार हॉटेलमध्ये काय अंतर असतं? अनेकांना ओळखता येत नाही यातील तफावत

5 Star and 7 Star Hotels Difference : सुंदर, लग्झरीने भरलेली आणि सुविधांनी सुसज्ज असलेल्या हॉटेल्समध्ये ५ स्टार आणि ७ स्टार हॉटेल्सचा समावेश होतो, पण या दोघांमध्ये नक्की काय फरक आहे ते तुम्हाला माहिती आहे का?

आपण जेव्हा एखाद्या मोठ्या हॉटेलचं नाव ऐकतो, तेव्हा त्याच्यासोबत जोडलेली स्टार रेटिंग लगेच लक्ष वेधून घेते. ही रेटिंग हॉटेलमधील खोल्यांचा आकार, सेवा, स्टाफची प्रोफेशनॅलिटी, सजावट, दिलेल्या सुविधा आणि गेस्टचा अनुभव या सर्व गोष्टींवर ठरते. अधिकृतपणे हॉटेलला १ स्टार ते ५ स्टार या श्रेणीमध्ये मानांकन मिळते. मात्र काही हॉटेल्स इतक्या ऐश्वर्यसंपन्न आणि दुर्मिळ सुविधा देतात की ते स्वतःला ७ स्टार हॉटेल म्हणवून घेतात. आता ५ स्टार आणि ७ स्टार हॉटेल हे दोन्ही लग्झुरीयस असले तरी यात बरेच अंतर असते जे आज आपण या लेखात जाणून घेणार आहोत.

Pitru Paksh 2025 : पितरांच्या शांतीसाठी आणि पिंडदानासाठी सर्वश्रेष्ठ मानली जातात ही तीर्थस्थळे; इथे जाऊनच मिळेल मोक्ष

५ स्टार हॉटेल – लक्झरी आणि कंफर्टचा मिलाफ

५ स्टार हॉटेल म्हणजे प्रवासातील सर्व सोयीसुविधांचं परिपूर्ण पॅकेजमध्ये या सुविधा मिळतात –

• २४ तास रिसेप्शन आणि डोअरमॅन सुविधा
• व्हॅलेट पार्किंग आणि पेज बॉय सर्विस
• स्वागतासाठी खास वेलकम ड्रिंक आणि मिनी बार
• हाय-स्पीड इंटरनेट आणि तत्काळ रूम सर्विस
• सुबक सजावट, ताज्या फुलांचा सुगंध आणि प्रीमियम भांडी
• स्पा, जिम, स्विमिंग पूल आणि गार्डन एरिया
• लॉन्ड्री, इस्त्री व शू पॉलिश सेवा
• वेगवेगळ्या प्रकारचे पिलो निवडण्याची सोय आणि लिमोझिन पिकअप
• थोडक्यात सांगायचं झालं तर, ५ स्टार हॉटेल म्हणजे आराम + लक्झरी यांचं परिपूर्ण मिश्रण.

७ स्टार हॉटेल – ऐश्वर्याच्या पलीकडे

औपचारिकरीत्या ७ स्टार अशी कुठलीही श्रेणी नाही, पण काही निवडक हॉटेल्स त्यांच्या अप्रतिम सेवेमुळे ही ओळख मिळवतात. त्यांना सहसा Luxury Beyond Imagination असं म्हटलं जातं.

७ स्टार हॉटेलमध्ये मिळणाऱ्या काही खास गोष्टी –

• प्रत्येक मजल्यावर स्वतंत्र रिसेप्शन आणि प्रायव्हेट चेक-इन
• सूटमध्ये जकूजी, रेन शॉवर आणि राजेशाही इंटिरियर्स
• वैयक्तिक २४x७ बटलर सर्विस
• रोल्स रॉयस, प्रायव्हेट लिमोझिन किंवा हेलिकॉप्टर ट्रान्सपोर्ट
• हेलिपॅड, पाण्याखालील रेस्टॉरंट अशा हाय-एंड सुविधा
• खास प्रायव्हसी आणि गेस्टसाठी सरप्राइज अनुभव
• यामुळे ७ स्टार हॉटेलमध्ये राहणं म्हणजे फक्त स्टे नाही, तर एक रॉयल अनुभव ठरतो.

५ स्टार विरुद्ध ७ स्टारमध्ये फरक काय?

• ५ स्टार = प्रीमियम लक्झरी + आराम
• ७ स्टार = राजेशाही + प्रायव्हसी + अविस्मरणीय अनुभव

५ स्टार हॉटेल ही प्रत्येक प्रवाशाची स्वप्नातील डेस्टिनेशन असते, तर ७ स्टार हॉटेल काही मोजक्या आणि निवडक लोकांसाठीच खास बनवली जातात. ५ स्टार हॉटेल म्हणजे लक्झरी आणि आरामाचा परिपूर्ण संगम, तर ७ स्टार हॉटेल म्हणजे राजेशाही, प्रायव्हसी आणि जगातील दुर्मिळ सुविधा देणारा अविस्मरणीय अनुभव.

भारताप्रमाणेच नेपाळमध्येही आहे सुंदर ताजमहाल! असंख्य खोल्या, राणीचा महल अन् इथे जाण्यासाठी एंट्री फीचीही गरज नाही

FAQs (संबंधित प्रश्न)

७-स्टार हॉटेल्ससाठी ऑफिशियल ७-स्टार रेटिंग आहे का?
नाही, ७-स्टार हॉटेल्ससाठी कोणतीही ऑफिशियल ग्लोबल स्टार रेटिंग नाही; हा अल्ट्रा-लक्झरीसाठी एक लोकप्रिय, इन्फॉर्मल टर्म आहे.

४-स्टार हॉटेलपेक्षा ५ स्टार हॉटेलमध्ये वेगळे काय आहे?
एक ५-स्टार हॉटेल अधिकाधिक गोष्टींकडे लक्ष देते. इथे जागतिक दर्जाच्या सुविधा आणि तपशीलांकडे वैयक्तिकृत लक्ष देऊन अधिक तल्लीन करणारा आणि आलिशान अनुभव दिला जातो.