मुलांसाठी कोणती चपाती आहे Best? गव्हाची नाही तर ‘या’ पिठाची चपाती ठरते उत्तम

आपल्या घरात अनेकदा गव्हाची चपाती बनवली जाते आणि मुलांनाही तेच खायला दिले जाते. पण, गव्हाव्यतिरिक्त, काही धान्ये अशी आहेत जी केवळ एकच नाही तर अनेक पोषक तत्वे, खनिजे आणि जीवनसत्त्वांनी समृद्ध असतात.

मुलांना निरोगी ठेवण्यासाठी, त्यांना निरोगी पिठापासून बनवलेली रोटी खायला देणेदेखील महत्त्वाचे आहे. कोणती चपाती आपल्या मुलांना सक्रिय आणि तंदुरुस्त ठेऊ शकते याबाबत बालरोगतज्ज्ञ डॉ. पवन मांडविया यांनी महत्त्वाची माहिती दिली आहे. 

बालरोगतज्ज्ञ म्हणतात की मुलांसाठी, गहू नाही तर आणखी एक पीठ आहे ज्याची चपाती तुमच्या मुलांसाठी अव्वल दर्जाची आणि 1 नंबर असल्याचे सिद्ध होते. डॉ. पवन मांडविया ज्या पीठाबद्दल बोलत आहेत ते मुलांच्या वाढ आणि विकासासाठी विशेषतः फायदेशीर आहे. अशा परिस्थितीत, डॉक्टरांकडूनच जाणून घेऊया की मुलाला त्याचे आरोग्य चांगले ठेवण्यासाठी कोणत्या पीठाची चपाती खायला द्यावी.

गव्हाच्या पिठाची चपाती 

डॉक्टर म्हणतात की रँकिंगनुसार, गव्हाची चपाती ही चौथ्या क्रमांकावर आहे. ही रोटी सर्वात जास्त खाल्ली जाते परंतु पोषक तत्वांच्या बाबतीत, ही चपाती चौथ्या नंबरवर आहे. गव्हाच्या रोटीमध्ये कार्बोहायड्रेट्स असतात जे मुलाला दिवसभर ऊर्जा देतात परंतु त्यात प्रथिने आणि इतर पोषक तत्वांचे प्रमाण कमी असते. त्याच वेळी, त्यात ग्लुटेनदेखील असते. वजन वाढवण्यासाठी आणि रोगप्रतिकारक शक्ती मजबूत करण्यासाठी हे पीठ इतर पीठांपेक्षा मागे आहे.

ज्वारीची भाकरी

ज्वारीची भाकरी तिसऱ्या क्रमांकावर येते. ज्वारीच्या पिठापासून बनवलेल्या भाकरीमध्ये अँटी-ऑक्सिडंट्स भरपूर प्रमाणात असतात. त्यात व्हिटॅमिन बी आणि मॅग्नेशियम असते जे मुलांची रोगप्रतिकारक शक्ती मजबूत करते. या पीठामध्ये फायबर आणि प्रथिने असतात जे मुलांचे पचन सुधारतात. परंतु, त्यात लोह आणि कॅल्शियम कमी असते जे मुलाच्या विकासासाठी आवश्यक असते.

बाजरीची चपाती वा भाकरी 

पुढील रोटी ज्याला दुसऱ्या क्रमांकावर आहे ती बाजरी रोटी आहे. बाजरी रोटी मुलाची रोगप्रतिकारक शक्ती मजबूत करण्यासाठी आणि वजन वाढवण्यासाठी खूप चांगली आहे. त्यात लोह, मॅग्नेशियम आणि जस्त असते जे रोगप्रतिकारक शक्ती वाढवते. ते दिवसभर बाळाचे पोट भरलेले ठेवते.

नाचणी भाकरी 

नाचणी भाकरी ही मुलांसाठी सर्वोत्तम चपाती वा भाकरी मानली आहे. नाचणीमध्ये दुधापेक्षा चार पट जास्त कॅल्शियम असते जे मुलांच्या हाडांसाठी आणि दातांसाठी फायदेशीर असते. त्यात भरपूर लोह असते जे मुलामध्ये अशक्तपणा दूर ठेवते. रागी रोटीमध्ये चांगले कार्बोहायड्रेट्स असतात आणि फायबरदेखील असते जे पचन चांगले ठेवते आणि वजन वाढवण्यास मदत करते. त्यात अँटी-ऑक्सिडंट्स आणि अमीनो अ‍ॅसिडदेखील असतात जे रोगप्रतिकारक शक्ती वाढवण्यास मदत करतात.

डॉक्टर म्हणतात की मुलाला फक्त गव्हाची चपाती खायला द्यायची नाही तर वेगवेगळ्या पिठापासून बनवलेल्या चपाती बाळाच्या आरोग्यासाठी चांगल्या असतात. आठवड्यातून २ ते ३ दिवस बाळाला रागी, बाजरी किंवा ज्वारीची रोटी देखील खायला द्यावी. यामुळे बाळाला सर्व प्रकारे संतुलित पोषण मिळेल जे बाळाच्या वाढीसाठी आणि विकासासाठी चांगले असेल.

पहा व्हिडिओ

See more