पावसाळ्यात का वाढतो डायरियाचा धोका? ‘या’ टिप्स फॉलो करून घ्या आरोग्याची काळजी, बिघणार नाही तब्येत

पावसाळ्यात वातावरणात सतत होणारे बदल, जंक फूडचे सेवन, दूषित पाणी इत्यादी अनेक गोष्टींमुळे आरोग्य बिघडते. डेंग्यू, मलेरिया, डायरिया इत्यादी आजारांची लागण झाल्यानंतर शरीर अतिशय कमकुवत होऊन जाते. डायरिया आणि कॉलरासारखे गंभीर आजार आजूबाजूच्या परिसरातील अस्वच्छतेमुळे सगळीकडे पसरतात. डासांची पैसाद मोठ्या प्रमाणावर झाल्यानंतर साथीचे आजार वाढू लागतात. अस्वच्छतेमुळे डायरियासारखे गंभीर आजार वाढू लागतात. म्हणूनच आज आम्ही तुम्हाला डायरियापासून शरीराचा बचाव करण्यासाठी आरोग्याची कशी काळजी घ्यावी, याबद्दल सविस्तर माहिती सांगणार आहोत. हे उपाय केल्यास आजारांपासून तुम्ही लांब राहाल.

हात स्वच्छ धुवणे:

कामानिमित्त किंवा इतर कोणत्याही कारणामुळे बाहेर कुठेही फिरून आल्यानंतर हात स्वच्छ धुवावे. अस्वच्छ हातांमुळे विषाणू थेट तोंडात जातात. ज्यामुळे डायरिया किंवा इतर साथीचे आजार होण्याची शक्यता असते. त्यामुळे जेवणाआधी कमीत कमी २० सेकंड हात पाण्याने स्वच्छ धुवावे. यामुळे हातांवर जमा झालेले डायरिया किंवा इतर आजारांचे विषाणू नष्ट होऊन जातात.

स्वच्छ पाण्याचे सेवन:

शरीर हायड्रेट ठेवण्यासाठी भरपूर पाणी पिण्याचा सल्ला दिला जातो. पण पावसाळयाच्या दिवसांमध्ये प्रामुख्याने पाणी उकळवून प्यावे. गरम पाण्याचे सेवन केल्यामुळे पोटाचे आरोग्य निरोगी राहते. डायरिया आणि जुलाब होण्यामागील प्रमुख कारण म्हणजे दूषित पाणी. कोणत्याही ठिकाणावरील पाण्याचे सेवन केल्यामुळे पोटात घाणेरडे विषाणू जातात. ज्यामुळे पोटात दुखणे, जुलाब, उलट्या किंवा इतर समस्या उद्भवण्याची शक्यता असते.

फळे भाज्या चांगल्या स्वच्छ कराव्यात:

निरोगी आरोग्यासाठी आहारात वेगवेगळ्या भाज्या आणि फळांचे सेवन केले जाते. फळे आणि भाज्यांचे सेवन केल्यामुळे शरीर कायमच निरोगी राहते. त्यामुळे पावसाळ्याच्या दिवसांमध्ये बाजारातून विकत आणलेल्या भाज्या काहीवेळ मिठाच्या पाण्यात टाकून ठेवाव्यात. यामुळे भाज्यांवरील आणि फळांवरील विषाणू नष्ट होतील.

पोटावर वाढलेली चरबी कमी करण्यासाठी उपाशी पोटी प्या ‘हे’ प्रभावी पाणी, कोलेस्ट्रॉल- मधुमेहापासून होईल कायमची सुटका

FAQs (डायरियासंबंधित प्रश्न)

अतिसार म्हणजे काय?

अतिसार म्हणजे वारंवार पातळ किंवा पाण्यासारखे जुलाब होणे. यात पोटात दुखणे किंवा पेटके येऊ शकतात.

अतिसाराची लक्षणे कोणती?

अतिसाराची मुख्य लक्षणे आहेत: वारंवार पातळ किंवा पाण्यासारखे मल होणे, पोटदुखी किंवा पेटके, मळमळ आणि उलट्या, निर्जलीकरण (शरीरात पाण्याची कमतरता).

अतिसारावर काय उपचार करावे?

निर्जलीकरण टाळण्यासाठी भरपूर पाणी, ORS (ओरल रिहायड्रेशन सोल्यूशन) किंवा स्वच्छ सूप प्या. जर अतिसार जास्त दिवस टिकला किंवा तीव्र झाला, तर डॉक्टरांचा सल्ला घ्या.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या