तरुण वयात केस पांढरे झाले आहेत? आलं आणि लिंबाचा ‘या’ पद्धतीने वापर करून बनवा इन्स्टंट हेअर डाय, केस होतील काळेभोर

तरुण वयात केस पांढरे झाल्यानंतर ते पुन्हा एकदा काळेभोर करण्यासाठी आलं आणि लिंबाचा वापर करून बनवलेला हेअर डाय केसांवर लावावा. यामुळे केसांची नैसर्गिक चमक आणि गुणवत्ता कायम टिकून राहते.

हल्ली लहान मुलांपासून ते अगदी मोठ्यांपर्यंत सगळ्यांचं केसांच्या समस्या वाढू लागतात. तरुण वयात केस पांढरे होणे, केस गळणे, केसांमध्ये कोंडा होणे इत्यादी उद्भवू लागल्यामुळे तरुणाई चिंतेमध्ये आहे. केस पांढरे झाल्यानंतर केसांची नैसर्गिक गुणवत्ता खराब होऊन जाते आणि केस अतिशय कोरडे पडतात. पांढरे केस काळे करण्यासाठी स्त्रिया वारंवार केमिकलयुक्त हेअर डायचा वापर करतात. यामुळे केस काही काळापुरते अतिशय सुंदर आणि काळेभोर दिसतात. पण आठवडाभरानंतर केस पुन्हा एकदा केस पांढरेच दिसू लागतात. आज आम्ही तुम्हाला पांढरे केस काळे करण्यासाठी आलं आणि लिंबाचा वापर करून नॅचरल हेअर डाय बनवण्याची सोपी कृती सांगणार आहोत. या पद्धतीने बनवलेला हेअर डाय केसांवर लावल्यास केसांची चमक कायम टिकून राहील.(फोटो सौजन्य – istock)

Health Update: ‘थ्री-डी मॉडेल’वरच होणार कर्करोग संशोधन? ‘टूडी’ आता पडणार मागे; आयआयटी मुंबईच्या अभ्यासातून नवी दिशा

नॅचरल हेअर डाय बनवण्यासाठी लागणारे साहित्य:

हेअर डाय बनवण्यासाठी आल्याचा रस, लिंबाचा रस, खोबरेल तेल, कॉफी पावडर, आवळा पावडर, मेहंदी, पाणी इत्यादी साहित्य लागणार आहे. हे सर्व साहित्य स्वयंपाक घरात सहज उपलब्ध होते. नॅचरल हेअर डाय लावल्यामुळे केस केवळ काळे होत नाहीतर केसांच्या मुळांना आवश्यक पोषण मिळते आणि केस अतिशय मजबूत होतात.

हेअर डाय बनवण्याची कृती:

नॅचरल हेअर डाय बनवण्यासाठी सर्वप्रथम, आलं किसून त्यातील रस काढून घ्या. वाटीमध्ये आल्याचा रस घेऊन त्यात खोबरेल तेल, लिंबाचा रस, कॉफी पावडर, आवळा पावडर आणि मेहेंदी मिक्स करा. सर्व साहित्य व्यवस्थित मिक्स करून झाल्यानंतर काहीवेळ तसेच ठेवा. तरुण वयात केस पांढरे झाल्यास कोणताही हेअर डाय लावण्याऐवजी घरी तयार केलेला नॅचरल हेअर डाय लावावा. यामुळे केस काळेभोर होतात. तयार केलेला हेअर डाय लावण्याआधी केस पाण्याने धुतलेले असावे. तेल असलेल्या केसांवर हेअर डाय लावू नये.

चमकदार दातांसाठी महागड्या ट्रीटमेंट करत असाल तर थांबा! ‘हा’ घरगुती उपाय केल्यास दातांवरील पिवळेपणा कायमचा होईल नष्ट

हेअर डाय लावण्याआधी केस व्यवस्थित विंचरून घ्या. त्यानंतर केसांच्या मुळांपासून ते अगदी टोकांपर्यंत हेअर डाय लावून १ तासभर तसाच ठेवा. त्यानंतर नॉर्मल पाण्याचा वापर करून केस स्वच्छ धुवून घ्या. यामुळे केसांची नैसर्गिक चमक कायम टिकून राहील आणि केस घनदाट दिसतील. शाम्पू आणि कंडिशनरचा वापर दोन ते तीन दिवसानंतर करावा. आल्याच्या रसामध्ये भरपूर अँटी-ऑक्सिडंट्स असतात, ज्यामुळे टाळूवरील रक्तभिसरण सुधारण्यास मदत होते. खोबरेल तेल केसांच्या आतपर्यंत जाऊन मऊपणा कायम टिकवून ठेवते. आवळ्यामध्ये भरपूर प्रमाणात विटामिन सी आणि अँटी-ऑक्सिडंट्स असतात. त्यामुळे कायमच नैसर्गिक पदार्थांचा वापर करावा.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.