नोकरीच्या नावाखाली प्राध्यापकाला २ लाख ८३ हजाराला गंडविले, सायबर गुन्हेगाराचा प्रताप

एका ईमेलच्या धारकाने विमा एजन्ट, व्हीजा, एअर तिकीट, एचएसबीसी बॅकेचे बॉड अशी वेगवेगळी कारणे सांगून त्यांना रायपूर येथील कॅनरा बॅकेत नोकरी लावून देण्याची बतावणी केली. त्यानंतर त्यांना २ लाख ८३ हजार २४५ रुपये बॅक खात्यावर भरण्यास भाग पाडले. परंतु, आपली फसवणूक झाल्याचे लक्षात येताच सुयोग काटोलेंनी सायबर पोलीस ठाण्यात धाव घेऊन तक्रार नोंदविली.

अमरावती : नोकरी लावून देण्याच्या नावाखाली पैसे भरण्यास भाग पाडून एका प्रोफेसरची तब्बल २ लाख ८३ हजार २४५ रुपयांनी (2 lakh 83 thousand 245 rupees) ऑनलाईन फसवणूक (Online fraud ) करण्यात आली. सुयोग नरेंद्र काटोले (२७, रा. कृष्णार्पण कॉलनी. अमरावती) यांच्या तक्रारीवरून सायबर पोलिसांनी (Cyber police) दोन मोबाईल क्रमांकाचे धारक आणि रायपूर येथील कॅनरा बॅकेच्या (Canara bank) खातेधारकासह एका ई-मेलच्या धारकाविरुध्द गुन्हा नोंदविला आहे.

नौकरी डॉट कॉमवर माहिती केली होती अपलोड

रायसोनी युनिर्वसीटी येथील प्रोफेसर सुयोग काटोले यांनी इंटरनेटच्या माध्यमातून नौकरी डॉट कॉमवर ( Nokari.Com ) नोकरीसंबंधीत माहिती अपलोड केली होती. त्यानंतर, त्यांना दोन अनोळखी मोबाईल क्रमांकावरून कॉल आले तसेच, एका ईमेलच्या धारकाने विमा एजन्ट, व्हीजा, एअर तिकीट, एचएसबीसी बॅकेचे बॉड अशी वेगवेगळी कारणे सांगून त्यांना रायपूर येथील कॅनरा बॅकेत नोकरी लावून देण्याची बतावणी केली. त्यानंतर त्यांना २ लाख ८३ हजार २४५ रुपये बॅक खात्यावर भरण्यास भाग पाडले. परंतु, आपली फसवणूक झाल्याचे लक्षात येताच सुयोग काटोलेंनी सायबर पोलीस ठाण्यात धाव घेऊन तक्रार नोंदविली.