सिंधुदुर्ग : उजनीच्या पात्रात बोट बुडून (Boat Drowned) एक मोठी दुर्घटना घडली होती. त्यानंतर आता पुन्हा एकदा बोट दुर्घटना घडली. सिंधुदुर्ग-वेंगुर्ले बंदरातून जाणारी ही बोट उलटली. यामध्ये दोघांचा बुडून मृत्यू झाला असून, दोनजण बेपत्ता झाले आहेत. ही बोट वादळी वाऱ्यामुळे उलटल्याची माहिती दिली जात आहे.
सिंधुदुर्ग-वेंगुर्ले बंदरातून ही बोट जात होती. मच्छिमारांना लागणारा बर्फ या बोटीतून नेला जात होता. या बोटीत सात जण होते. पण अचानक आलेल्या वादळी वाऱ्यामुळे ही बोट पाण्यातच उलटून दुर्घटना घडली. यामध्ये दोघांचा बुडून मृत्यू झाला असून, दोनजण बेपत्ता झाले आहेत. तर यातील तीन खलाशी हे पोहत किनाऱ्यावर आल्याने ते सुदैवाने बचावले आहेत.
दरम्यान, या घटनेने सर्वत्र एकच चर्चा सुरु झाली आहे. यामध्ये दोनजण बेपत्ता झाले आहेत. सध्या त्यांचा शोध बचावपथकाकडून घेतला जात आहे.
सातत्याने घडताहेत घटना
बोट उलटून दुर्घटना थांबण्याचे नाव घेत नाही. यापूर्वी उजनीच्या पात्रात बोट बुडून दुर्घटना घडली होती. त्यानंतर अहमदनगर जिल्ह्यातील अकोले येथे प्रवरा नदीत तर एसडीआरफच्या पथकाचीच बोट उलटली होती. त्यानंतर आता सिंधुदुर्ग-वेंगुर्ले बंदरातून जाणारी ही बोट उलटली. यामध्ये दोघांचा बुडून मृत्यू झाला आहे.
.png "Videos"){kind=small}
