शिक्रापूर : कासारी (ता.शिरूर) गावच्या हद्दीमध्ये तळेगाव ढमढेरे गावच्या यात्रेनिमित्त (Talegaon Dhamdhere Yatra) भरविण्यात आलेल्या बैलगाडा शर्यतीदरम्यान (Bullock Cart Race) बैलाचे शिंग छातीत घुसल्याने एका तरुणाचा मृत्यू झाल्याची खळबळजनक घटना घडली. वृषाल बाळासाहेब राऊत (Vrushal Raut) असे मृत झालेल्या तरुणाचे नाव आहे.
कासारी व तळेगाव ढमढेरे गावच्या सीमेवर असलेल्या बैलगाडा घाट या ठिकाणी तळेगाव ढमढेरे व कासारी गावातील बैलगाडा शर्यतीचे आयोजन केले जाते. आज या ठिकाणी बैलगाडा शर्यतीचे आयोजन करण्यात आलेले असताना वृषाल राऊत हा देखील त्याच्या कुटुंबीयांसह बैलगाडा शर्यतीसाठी आला होता. यावेळी बैलांनी केलेल्या हालचालीदरम्यान बैलाचे शिंग हे वृषाल याच्या छातीत घुसले. बैलाचे शिंग हे विशालच्या छातीत खोलवर घुसल्याने गंभीर दुखापत होऊन वृषालचा जागीच मृत्यू झाला.
याबाबत योगेश अरुण राऊत (वय ३६ वर्षे रा. राऊतवाडी शिक्रापूर ता. शिरूर जि. पुणे) यांनी शिक्रापूर पोलीस स्टेशन येथे तक्रार दिल्यानंतर शिक्रापूर पोलिसांनी आकस्मात मृत्यूची नोंद केली आहे.
.png "Videos"){kind=small}
