एसटी प्रवाशांसाठी आनंदाची बातमी, या वर्षात २६४० नव्या बसेस दाखल होणार

एसटी मधून प्रवास करणाऱ्यांना प्रवाशांसाठी आनंदाची बातमी आहे. या वर्षात एसटीमधील बसेसची कमतरता दूर होणार आहे. कारण आता एसटीमध्ये सुमारे २६४० बसेस दाखल होणार आहेत, अशी माहिती परिवहन मंत्री प्रताप सरनाईक यांनी दिली.

एसटी महामंडळाच्या बसेस मधून प्रवास करणाऱ्यांना प्रवाशांसाठी आनंदाची बातमी आहे. या वर्षांमध्ये एसटीच्या ताफ्यात स्वमलकीच्या तब्बल २६४० नव्या बसेस दाखल होत असून राज्यभरातील प्रत्येक रस्त्यावर नवी लालपरी धावताना दिसेल, असे प्रतिपादन परिवहन मंत्री प्रताप सरनाईक यांनी केले ते राष्ट्रीय रस्ता सुरक्षा अभियानाचे उद्घाटन करताना बोलत होते.

स्वबळावर लढण्याचा नारा देत ठाकरे गट पडला आघाडीतून बाहेर; खासदार सुप्रिया सुळेंनी दिली प्रतिक्रिया

स्वच्छतेबरोबरच सुरक्षित प्रवासाला महत्त्व देत राज्यातील एकूणच परिवहन सेवेचा चित्र बदलण्याचा ” मास्टर प्लॅन” आपण बनवीत असून टप्प्याटप्प्याने एसटीच्या आधुनिकीकरणाला सुरुवात होईल. त्याचा पहिला लाभ एसटी कर्मचाऱ्यांना झाला पाहिजे, त्यांच्या गणवेशापासून ते विश्रामगृह आणि स्वच्छतागृहापर्यंत त्यांना मिळणाऱ्या प्रत्येक सुविधांचा दर्जा उंचावला पाहिजे, तरच आपण प्रवाशांना चांगल्या सुविधा देऊ शकतो, असं देखील प्रताप सरनाईक म्हणाले.

बहुप्रतीक्षित एसटीच्या स्वमालकीच्या नवीन लालपरी बसेस ताफ्यामध्ये दाखल होत असून आज १७ बसेसचे लोकार्पण मंत्री सरनाईक यांच्या हस्ते संपन्न झाले. जानेवारी महिन्याच्या अखेरपर्यंत १५० लाल परी बसेस येणार असून त्या ठाणे शहर आणि ठाणे ग्रामीण भागातील आगारांना देण्यात येतील त्यानंतर दर महिन्याला ३०० एसटी बसेस दाखल होणार असून राज्यभरातील सर्व आगारांना या बसेस मिळतील अशी माहिती मंत्री सरनाईक यांनी दिली.

१०० खाटांचे अद्यावत दवाखाना उभारणार

एसटी कर्मचारी व त्यांच्या कुटुंबीयांसाठी बोरीवली येथे शंभर खाटांचे अद्यावत दवाखाना उभारण्यात येईल जेथे राज्य शासनाच्या आरोग्य विभागाच्या सर्व सुविधा एसटी कर्मचाऱ्यांना मिळतील अशी यंत्रणा निर्माण करण्यात येणार येईल. अशी घोषणा मंत्री सरनाईक यांनी यावेळी केली.

एसटी महामंडळाच्या साध्या बसेसची संख्या दिवसेंदिवस कमी होत आहे. एसटी महामंडळाच्या ताफ्यात १४ हजार बसेस आहेत. कोरोना काळापूर्वी साल २०१८ मध्ये एसटीच्या ताफ्यात एकूण १८ हजार बसेस होत्या. परंतु कोरोना काळात आर्थिक संकट आणि इतर कारणांमुळे एसटी महामंडळ अनेक वर्षे नवीन बसेस खरेदी करू शकले नाही,त्यामुळे एसटीतील जुन्या बसेसचे आयुर्मान संपल्याने त्यांना ताफ्यातून काढून टाकले होते. त्यामुळे ग्रामीण भागात बसेसची कमतरता जाणवू लागली होती.प्रवाशांना अतिरिक्त बसेस मिळत नसल्याची अडचण पाहून एसटी महामंडळाने स्वमालकीच्या २२०० बसेस खरेदी करण्याचा निर्णय घेतला. तसेच १३०० बसेस भाडे तत्वावर घेण्याचा निर्णय घेतला. अशा सुमारे साडे तीन हजार बसेस टप्प्या-टप्प्याने एसटी महामंडळात पुढील वर्षी पासून दाखल होणार आहेत.

Satara Accident : साताऱ्यात भीषण अपघात; कार दुभाजकावर आदळली अन्…