सोशल मीडिया ते रस्त्यावर प्रचाराची धामधूम; चाकणमध्ये राजकीय वातावरण तापले
यावेळी बोलताना अनासपुरे म्हणाले की राज्याचे मुख्यमंत्री देवेंद्रजी फडणवीस हे नुकतेच अहिल्यानगर जिल्ह्यात येऊन गेले. या दौऱ्यात त्यांनी लाडकी बहिण योजना कधीही बंद होणार नाही, अशी जाहीर ग्वाही दिली आहे. मध्यप्रदेशचे तत्कालीन मुख्यमंत्री शिवराज सिंग चौव्हाण यांनी मध्यप्रदेशमध्ये लाडकी बहीण योजना सुरू केली होती.
या योजनेचा अभ्यास करून देवेंद्र फडणवीस यांनी महाराष्ट्रात ही योजना सुरू करण्याचा प्रस्ताव तयार केला आणि तो स्वीकारुन राज्य सरकारने ही योजना सुरू करण्याचा क्रांतिकारक निर्णय घेतला. या योजने संदर्भातील ही वस्तुस्थिती कार्यकर्त्यांनी जनतेपर्यंत आणि समाजातील सर्व लाडक्या बहिणीपर्यंत पोहोचवावी, अशी अपेक्षा त्यांनी व्यक्त केली. अनासपुरे पुढे म्हणाले, कार्यकर्त्यांनी कोणत्याही आदेशाची वाट न पाहता आपापल्या क्षेत्रातील नागरिकांना शासनाने घेतलेल्या लोकोपयोगी योजनांची माहिती द्यावी. पंतप्रधान नरेंद्र मोदी यांनी घेतलेला जी.एस.टी. कमी करण्याचा निर्णय आणि त्यामुळे झालेले फायदे, याची माहिती घराघरापर्यंत पोहोचवावी.
द्राक्ष उत्पादक शेतकरी संकटात; उपमुख्यमंत्री अजित पवारांकडे केली ‘ही’ मोठी मागणी
जिल्हाध्यक्ष दिलीप भालसिंग यावेळी बोलताना म्हणाले की दक्षिण भागात होत असलेल्या नगरपालिका निवडणुकीसाठी पक्षाने प्रत्येक नगरपालिकेसाठी तीन प्रभारींची नियुक्ती केली आहे. हे प्रभारी त्या क्षेत्रात जाऊन पक्षाच्या कार्यकर्त्यांशी चर्चा करून वेळोवेळी जिल्हा कमिटीकडे अहवाल सादर करीत आहेत. त्या आधारे प्रचार यंत्रणा अधिक गतिमान होत आहे. जिल्ह्यात भाजपाला मोठे यश मिळेल, असा विश्वास त्यांनी व्यक्त केला.
यावेळी निवडणूक जिल्हा समन्वय विनायकराव देशमुख यांनी बोलताना सांगितले, पंतप्रधान नरेंद्र मोदी व मुख्यमंत्री देवेंद्र फडणवीस यांच्या नेतृत्वाखाली प्रामुख्याने महिला आणि युवकांसाठी तयार करण्यात आलेल्या महत्त्वपूर्ण योजनांची माहिती जनतेपर्यंत पोहोचवण्यात यावी आणि त्याची अंमलबजावणी करण्यासाठी कार्यकत्यांनी पुढाकार घ्यावा, असे आवाहन देशमुख यांनी केले.
.png "Videos"){kind=small}
