Jalgaon News: जिल्हा बँकेत अजित पवार यांच्या पुतळ्याचे अनावरण; बाबासाहेब पाटलांचे शेतकऱ्यांना आवाहन

Jalgaon News: जळगाव जिल्हा बँकेच्या आवारात माजी उपमुख्यमंत्री (कै.) अजित पवार यांच्या पूर्णाकृती पुतळ्याचे अनावरण सहकार राज्यमंत्री बाबासाहेब पाटील आणि पालकमंत्री गुलाबराव पाटील यांच्या हस्ते करण्यात आले.

• जळगाव जिल्हा बँकेत अजित पवार यांच्या पूर्णाकृती पुतळ्याचे अनावरण
• दुष्काळाचा सामना करण्याचे राज्यमंत्री बाबासाहेब पाटील यांचे शेतकऱ्यांना आवाहन
• अजितदादांच्या कार्यातून शेतकरीहिताची प्रेरणा मिळणार

जळगाव राज्यात पावसाअभावी कठीण परिस्थिती निर्माण झाली असली, तरी शासन शेतकऱ्यांच्या पाठीशी खंबीरपणे उभे आहे. १९७२ च्या दुष्काळात यापेक्षाही गंभीर परिस्थिती होती. त्यावेळी शेतकऱ्यांनी सुगडी खाऊन जीवन जगले.

मात्र आत्महत्या न करता परिस्थितीचा सामना केला. आजही शासन मदतीसाठी तिजोरी खाली करेल; परंतु शेतकऱ्यांनी आत्महत्येचा मार्ग न स्वीकारता संकटाशी लढावे, असे आवाहन सहकार राज्यमंत्री बाबासाहेब पाटील यांनी केले. Jalgaon News:

जळगाव जिल्हा बँकेच्या आवारात माजी उपमुख्यमंत्री (कै.) अजितदादा पवार यांच्या पूर्णाकृती पुतळ्याच्या अनावरणप्रसंगी ते बोलत होते. कार्यक्रमाच्या अध्यक्षस्थानी पालकमंत्री गुलाबराव पाटील होते. दोघांच्या हस्ते पुतळ्याचे अनावरण करण्यात आले.

जिल्हा बँकेत आयोजित कार्यक्रमात उपाध्यक्ष आमदार अमोल पाटील यांनी प्रास्ताविक केले, तर अध्यक्ष संजय पवार यांनी मनोगत व्यक्त केले. पस्थित मान्यवरांचे अजित पवार यांच्या जीवनावरील पुस्तक आणि गुलाबपुष्प देऊन स्वागत करण्यात आले.

दादांच्या आदर्शाने कार्य सुरू : संजय पवार

जिल्हा बँकेचे अध्यक्ष संजय पवार म्हणाले, शेतकऱ्यांना भरीव मदत करणे हा अजितदादांचा उद्देश होता. त्यांचा आदर्श घेऊन बँक शेतकरीहिताचे निर्णय घेत हे. त्यांनी कधीही जातीपातीचे राजकारण केले नाही. बँकेतील पुतळा त्यांच्या कार्याची सतत आठवण करून देईल.

Jalgaon News: 13 शिक्षकांच्या पदस्थापनेत नेमकं काय घडलं? सामान्य …

विकासाचे राजकारण : अमोल पाटील

बँकेचे उपाध्यक्ष आमदार अमोल पाटील यांनी अजितदादा पवार यांनी विकासाचे राजकारण केल्याचे सांगितले. त्यांच्या कार्याचा आदर्श प्रत्येकाने घ्यावा. पुतळ्यातून त्यांच्या कार्याची प्रेरणा मिळत राहील, असा विश्वास त्यांनी व्यक्त केला.

कार्य करण्याची प्रेरणा मिळेल

• बाबासाहेब पाटील म्हणाले, सहकार क्षेत्र हे महाराष्ट्राला लाभलेले वरदान असून, या क्षेत्रातील कामामुळे राज्याने वेगळी ओळख निर्माण केली आहे.

 

• बिहारसारख्या निसर्गसमृद्ध राज्यात सहकाराचा अभाव असल्याने तेथील नागरिकांना रोजगारासाठी महाराष्ट्रात यावे लागते. अजितदादा पवार यांची प्रशासनावर पकड होती.

Jalgaon News: ग्रामरोजगार सेवकांचा एल्गार! २४ महिन्यांचे थकीत …

• ते कार्यकत्यांना जीव लावणारे आणि अर्थखात्याला खऱ्या अर्थाने न्याय देणारे नेते होते. ते ज्या खात्याची जबाबदारी सांभाळत, तेथे स्वतःची छाप पाडत.

 

• ते राज्याची ‘डिक्शनरी’ होते. जनतेसाठी काम करणे हेच त्यांचे ध्येय होते. दूरदृष्टी असलेल्या या नेत्याचा पुतळा शेतकऱ्यांसाठी कार्य करण्याची प्रेरणा देत राहील. यावेळी मोठ्या संख्येने नागरिकांची उपस्थिती कार्यक्रमास होती.