Amravati News: ६५ शाळांत स्वच्छतागृह धूळखात! निकृष्ट साहित्यामुळे दर्जावर प्रश्नचिन्ह; अपूर्ण कामे पूर्ण करण्याची मागणी

Amravati News: काही शाळांमध्ये स्वच्छतागृहांची उभारणी करण्यात आली असली, तरी त्यासाठी वापरण्यात आलेले साहित्य निकृष्ट दर्जाचे असल्याचा आरोप करण्यात आला आहे. स्वच्छता गृहांसाठी वापरण्यात आलेल्या पापला तडे जाणे, टाइल्स व फरशा फुटणे, अन्य साहित्याची गुणवत्ता समाधानकारक नसणे, अशा तक्रारी समोर आल्या आहेत.

Amravati News: पावर्धा प्रथाल्दा ६५ शाळांसाठी पुरविण्यात आलेले प्री-फॅब्रिकेटेड सॅनिटरी फॅसिलिटी (स्वच्छतागृह) कंटेनर अनेक महिन्यांपासून शाळांमध्ये बसविण्यात आलेले नाही. काही शाळांमध्ये बसविण्यात आलेल्या कंटेनरमधील साहित्य निकृष्ट दर्जाचे असल्याने संबंधित कामाच्या गुणवत्तेवर प्रश्नचिन्ह निर्माण झाले आहे. यामुळे दर्जेदार साहित्याचा वापर करीत अपूर्ण कामे पूर्ण करण्याची मागणी महाराष्ट्र राज्य प्राथमिक शिक्षक समितीने केली आहे.(फोटो सौजन्य – AI)

Amravati News: अमरावती-पुणे विमानसेवेचा मार्ग मोकळा! इंदूर सेवेसाठीही हालचाली; बेलोरा विमानतळाकडून अपेक्षा वाढल्या

निकृष्ट साहित्यामुळे गुणवत्तेवर प्रश्न

काही शाळांमध्ये स्वच्छतागृहांची उभारणी करण्यात आली असली, तरी त्यासाठी वापरण्यात आलेले साहित्य निकृष्ट दर्जाचे असल्याचा आरोप करण्यात आला आहे. स्वच्छता गृहांसाठी वापरण्यात आलेल्या पापला तडे जाणे, टाइल्स व फरशा फुटणे, अन्य साहित्याची गुणवत्ता समाधानकारक नसणे, अशा तक्रारी समोर आल्या आहेत. अनेक शाळांमध्ये कंटेनर बसविण्याचे काम अपूर्ण असल्याने ते शालेय परिसरात पडून आहे.

वर्क ऑर्डरनुसार काम पूर्ण करण्याची मागणी

कामाच्या वर्क ऑर्डरमध्ये नमूद केल्यानुसार प्री-फॅब्रिकेटेड सॅनिटरी फॅसिलिटीचे संपूर्ण इन्स्टॉलेशन अभिलेख पूर्ण करावेत. वर्क ऑर्डरमध्ये निर्धारित केलेल्या दर्जाचे व उपयुक्त साहित्य वापरून उर्वरित काम तातडीने पूर्ण करावे, अशी मागणी महाराष्ट्र राज्य प्राथमिक शिक्षक समितीने केली आहे

महाराष्ट्र प्राथमिक शिक्षण परिषद, मुंबई यांच्या माध्यमातून शाळांमधील बालकांसाठी स्वच्छतागृहांची खरेदी करून ती शाळांमध्ये बसविण्यासाठी पाठविण्यात आली आहेत. या कामाचे कंत्राट नाशिक येथील पवार पाटकर कन्स्ट्रक्शन प्रायव्हेट लिमिटेड या कंपनीला देण्यात आले आहे. संबंधित कंपनीमार्फत जिल्ह्यातील शाळांसाठी हे कंटेनर पुरविण्यात आले. काही शाळांमध्ये मार्चमध्ये, तर काही ठिकाणी मे व जुलै महिन्यात कंटेनर पाठविण्यात आले. अद्यापही अनेक शाळांमध्ये त्यांची उभारणी करण्यात आलेली नाही. शिक्षक समितीचे राज्याध्यक्ष विजय कोंबे यांनी जिल्हा परिषदेचे प्रशासक तथा मुख्य कार्यकारी अधिकारी पराग सोमन आणि प्राथमिक शिक्षणाधिकारी सीमा पाटील यांना निवेदन देऊन या प्रकरणात लक्ष घालण्याची विनंती केली आहे.

Amravati News: अपुऱ्या पावसाचा रब्बी हंगामाला मोठा फटका! गहू-हरभरा पेरणीपूर्वीच शेतकऱ्यांसमोर संकट

शाळांमधील विद्यार्थ्यांना स्वच्छतागृहांची सुविधा उपलब्ध करून देताना कामाचा दर्जा आणि सुरक्षितता यांना प्राधान्य द्यावे, अशी अपेक्षा समितीने व्यक्त केली आहे. तक्रारीची दखल घेऊन संबंधित यंत्रणा अपूर्ण कामे पूर्ण करण्यासाठी आणि साहित्याच्या गुणवत्तेची तपासणी करण्यासाठी कोणती कार्यवाही करते. याकडे लक्ष लागले आहे. असे शिक्षक समितीचे राज्य प्रसिध्दी प्रमुख राजेश सावरकर यांनी कळविले आहे.

डिस्क्लेमर: हे नवराष्ट्र वृत्तपत्राचे स्वयंचलित न्यूज फीड आहे. ते navarashtra.com च्या कर्मचाऱ्यांनी संपादित केलेले नाही.