अपुऱ्या पावसाचा रब्बी हंगामाला मोठा फटका! गहू-हरभरा पेरणीपूर्वीच शेतकऱ्यांसमोर संकट
Amravati News: यंदा पावसाच्या लहरीपणामुळे शेतकऱ्यांच्या अडचणी वाढल्या आहेत. कमी पावसामुळे खरीप हंगामातील पिकांचे नुकसान झाल्यानंतर आता रब्बी हंगामातील पिके कशी जगवायची, असा प्रश्न शेतकऱ्यांसमोर उभा ठाकला आहे. गहू आणि हरभऱ्याच्या पेरणीचा हंगाम जवळ येत असताना चांदूर रेल्वे शहरासह परिसरातील शेतकऱ्यांची भिस्त असलेल्या मालखेड तलावात यंदा केवळ ८१.२३ टक्के जलसाठा आहे. त्यामुळे रब्बी पिकांसाठी सिंचनाचे पाणी मिळणार की नाही, याबाबत अनिश्चितता निर्माण झाली आहे.(फोटो सौजन्य – AI)
पेरणी करावी की नाही, शेतकरी संभ्रमात मालखेड तलावातून चांदूर भाग क्रमांक एक, मांजरखेड, बासलापूर, धानोरा म्हाळी, शिवणी यासह परिसरातील शेतीला दरवर्षी रब्बी हंगामात सिंचनासाठी पाणी चार दिले जाते. यासाठी तलावातून लघु वितरिकांद्वारे पाणी सोडले जाते. मात्र, तलाव पूर्ण क्षमतेने भरलेला नसल्यास उपलब्ध जलसाठ्यानुसार दोन किंवा तीन वितरिकांद्वारे सिंचनाची व्यवस्था केली जाते. यंदा मर्यादित जलसाठ्यामुळे सिंचनाचे नियोजन अधिक आव्हानात्मक ठरणार आहे.
शहराच्या पिण्याच्या पाण्यासाठी आवश्यक साठा राखून ठेवल्यानंतर शेतीसाठी किती पाणी उपलब्ध होईल, किती वितरिका सुरू होतील आणि किती क्षेत्राला त्याचा लाभमिळेल, याबाबत अद्याप स्पष्टता नाही. खरीप हंगामातील नुकसान आणि वाढता उत्पादन खर्च यामुळे आर्थिक अडचणीत सापडलेल्या शेतकऱ्यांना आता रब्बीच्या पेरणीवर खर्च करण्यापूर्वी पाण्याची खात्री हवी आहे. पेरणी, बियाणे आणि खतांवर खर्च केल्यानंतर सिंचनासाठी पाणी मिळाले नाही, तर आर्थिक संकट अधिक गडद होण्याची भीती शेतकरी व्यक्त केली.
एकीकडे शहराची पिण्याच्या पाण्याची गरज, तर दुसरीकडे रब्बी पिकांसाठी सिंचनाची मागणी, अशा दुहेरी आव्हानाला प्रशासनाला सामोरे जावे लागणार आहे. खरीप हंगामात नुकसान झालेल्या शेतकऱ्यांच्या आशा आता रब्बी पिकांवर आहेत. मात्र, सिंचनाच्या पाण्याची अनिश्चितता कायम राहिल्यास पेरणीचे क्षेत्र आणि संभाव्य उत्पादनावरही परिणाम होण्याची शक्यता आहे. त्यामुळे जलसंपदा विभागाच्या आगामी निर्णयाकडे शेतकऱ्यांचे लक्ष लागले आहे.
अकोला जिल्ह्यात 42 अतिरिक्त, तरी 15 शाळा एकशिक्षकी; अनेक शाळांची अवस्था तशीच…
८८ रथी पिकांसाठी मालखेड तलावातून पाणी उपलब्ध करून देण्याच्या दृष्टीने नियोजन सुरू आहे. मात्र, जलसाठा कमी असल्याने शेतकऱ्यांची मागणी प्राप्त झाल्यानंतरच पाणी सोडण्याचे नियोजन करता येईल. लवकरच पाणी वापर संस्थांच्या अध्यक्षांची बैठक घेऊन पुढील व्यवस्था निश्चित केली जाईल. दुष्काळसदृश परिस्थिती लक्षात घेता शेतकऱ्यांनी कमी पाण्यात येणारी पिके घ्यावीत, अशी माहिती – विनय मुन्ने, उपविभागीय अधिकारी, सिंचन विभाग यांनी दिली आहे.
Ans: अपुऱ्या पावसामुळे जमिनीतील ओलावा कमी होतो. त्यामुळे रब्बी पिकांच्या पेरणीसाठी शेतकऱ्यांना अडचणींचा सामना करावा लागू शकतो.
Ans: रब्बी हंगामात गहू, हरभरा, ज्वारी आणि करडई यांसारखी पिके घेतली जातात.
Ans: शेतातील ओलावा तपासावा, स्थानिक कृषी विभागाचा सल्ला घ्यावा आणि संबंधित पिकासाठी शिफारस केलेली पेरणीची वेळ व पद्धत यांचे पालन करावे.
.png "Videos"){kind=small}
