अचलपूर लैंगिक शोषण प्रकरणात SIT चौकशीची मागणी; यशोमती ठाकूर यांचे निवेदन
आज आमदारभाई जगताप, खासदार बळवंतभाऊ वानखडे, जिल्हाध्यक्ष बबलूभाऊ देशमुख आणि माजी मंत्री यशोमती ठाकूर यांच्या नेतृत्वात काँग्रेसच्या शिष्टमंडळाने पोलीस अधीक्षक (अमरावती ग्रामीण) व आयजी (अमरावती रेंज) यांची भेट घेतली. यावेळी या गंभीर प्रकरणाचा तपास विशेष चौकशी पथकाद्वारे (SIT) करण्याची आग्रही मागणी करण्यात आली. या शिष्टमंडळात माजी आमदार वीरेंद्रभाऊ जगताप, माजी महापौर विलासभाऊ इंगोले, माजी महापौर मिलिंदभाऊ चिमोटे, शहराध्यक्ष बबलूभाऊ शेखावत, नगरसेवक अनिलभाऊ अग्रवाल यांच्यासह जिल्हा व शहर काँग्रेस कमिटीचे सर्व प्रमुख पदाधिकारी उपस्थित होते.
पुणे जिल्हा परिषदेत विषय समित्यांचे वाटप; हुलावळे अन् नलावडे यांच्यावर ‘ही’ मोठी जबाबदारी
“अचलपूरमधील ही घटना माणुसकीला काळीमा फासणारी आहे. केवळ मुख्य आरोपीच नाही, तर या गुन्ह्यात त्याला प्रत्यक्ष वा अप्रत्यक्ष मदत करणाऱ्या सर्व साथीदारांना तात्काळ अटक करून त्यांच्यावर कठोर कलमान्वये गुन्हे दाखल करावेत. महिलांच्या सुरक्षेचा प्रश्न ऐरणीवर असून प्रशासनाने या प्रकरणाचा तपास जलद गतीने करावा, अन्यथा काँग्रेसतर्फे तीव्र लोकशाही मार्गाने आंदोलन छेडण्यात येईल,” असा स्पष्ट इशारा यशोमती ठाकूर यांनी यावेळी दिला. प्रशासनाने या प्रकरणाचे गांभीर्य ओळखून दोषींवर तात्काळ कठोर पावले उचलण्याचे आश्वासन शिष्टमंडळाला दिले आहे.
अमरावती पोलिसांनी मोहम्मद अयाज नावाच्या एका तरुणाला अटक केली आहे. अयाजने सोशल मीडिया प्लॅटफॉर्म, विशेषतः व्हॉट्सॲप आणि स्नॅपचॅटच्या माध्यमातून अल्पवयीन मुलींना आमिष दाखवल्याचा आरोप आहे. तपासात असे उघड झाले आहे की, आरोपीने किमान १८० मुलींचे लैंगिक शोषण केले आणि त्यांचे ३५० हून अधिक अश्लील व्हिडिओ रेकॉर्ड केले. पोलिसांनी आरोपीचा मोबाईल फोन जप्त केला असून, त्यात मोठ्या प्रमाणात अश्लील सामग्री आढळली आहे. आरोपी सध्या सात दिवसांसाठी पोलीस कोठडीत आहे.
महाराष्ट्र अल्पसंख्याक आयोगाचे अध्यक्ष प्यारे खान यांनी सांगितले की, त्यांना अचलपूरमधून गोपनीय तक्रारी प्राप्त झाल्या होत्या. पोलीस तपासात आतापर्यंत आठ मुस्लिम महिलांचा समावेश असलेली प्रकरणे उघडकीस आली आहेत, ज्यापैकी काहींचे व्हिडिओ आणि फोटो काढण्यात आले आहेत. प्रशासनाने स्पष्ट केले आहे की, हा अत्यंत संवेदनशील परिसर असल्याने अफवांकडे दुर्लक्ष करू नये. दोषींवर शक्य तितकी कठोर कारवाई केली जाईल, असे आश्वासन पोलीस आणि आयोगाने दिले आहे. या घृणास्पद कटात आरोपीसोबत आणखी कोण सामील होते, हे निश्चित करण्यासाठी पोलीस सध्या आरोपीच्या मोबाईल डेटा आणि संपर्कांची तपासणी करत आहेत.
.png "Videos"){kind=small}
