शुक्रवार, 6 नोव्हेंबर 2026
Mumbai News: (फोटो सौजन्य- सोशलमीडिया)
एएसजी हॉस्पिटल लिमिटेडने सणासुदीच्या कालावधीत मुलांच्या डोळ्यांच्या सुरक्षेसाठी ‘सुरक्षित डोळे, सुरक्षित दिवाळी’ ही एक विशेष मोहीम सुरू केली आहे. कंपनीच्या या कॉर्पोरेट सोशल रिस्पॉन्सिबिलिटी उपक्रमांतर्गत, फटाक्यांमुळे डोळ्यांना दुखापत झालेल्या १५ वर्षांखालील मुलांवर एएसजी आय हॉस्पिटलमध्ये उपचार केले जातील. हा उपक्रम ४ नोव्हेंबर २०२६ ते १४ नोव्हेंबर २०२६ या कालावधीत ९५ हून अधिक शहरांमधील २०० हून अधिक एएसजी आय हॉस्पिटल केंद्रांवर राबवला जाईल. Mumbai News:
या मोहिमेचा संदेश अगदी साधा पण महत्त्वाचा आहे – सण जबाबदारीने साजरा करा आणि प्रत्येक मुलाच्या डोळ्यांमधील चमक सुरक्षित ठेवा. या उपक्रमांतर्गत केल्या जाणाऱ्या उपचारांमध्ये प्रथमोपचार, डोळ्यांशी संबंधित आपत्कालीन काळजी, औषधोपचार आणि जिथे आवश्यकता असेल तिथे शस्त्रक्रियेचा समावेश असेल. कुटुंबियांना योग्य मार्गदर्शनासाठी आणि जवळच्या सहभागी केंद्राची माहिती मिळवण्यासाठी १८०० १२११ ८०४ या विशेष हेल्पलाइन नंबरवर कॉल करता येईल.
दरवर्षी दिवाळीत फटाक्यांमुळे डोळ्यांना दुखापत होण्याची घटनांमध्ये वाढ होते आणि यामध्ये लहान मुलांचे प्रमाण खूप मोठे असते. कॉर्निया आणि डोळ्याच्या समोरील इतर भागांना दुखापत होण्याच्या घटना सर्वात जास्त असतात. नेत्रतज्ञांकडून वेळीच उपचार न मिळाल्याने यातील काही दुखापतीमुळे दृष्टीचे कायमचे नुकसान होऊ शकते. दुखापत झाल्यानंतरचे पहिले काही तास डोळा किती चांगल्या प्रकारे बरा होऊ शकतो हे ठरवतात. गेल्या वर्षी दिवाळी दरम्यान, एएसजी केंद्रांवर फटाक्यांमुळे डोळ्यांना दुखापत झालेल्या ५०० हून अधिक मुलांवर उपचार करण्यात आले होते.
डॉ.अरुण सिंघवी, एमडी आणि सीईओ, एएसजी हॉस्पिटल लिमिटेड म्हणाले,“दिवाळी हा असा सण आहे ज्याची मुले वर्षभर वाट पाहतात. फटाक्याच्या जवळ घालवलेले काही सेकंद मुलाच्या डोळ्यांची दृष्टी हिरावून घेणारे ठरू नयेत. साध्या सावधगिरीच्या उपायांनी आणि प्रौढांच्या कडक देखरेखीखाली यातील बहुतांश दुखापती टाळल्या जाऊ शकतात. जर दुखापत झालीच, तर वेळ अत्यंत महत्त्वाची असते आणि मुलाला त्वरित नेत्रतज्ञांकडे नेले पाहिजे. ‘सुरक्षित डोळे, सुरक्षित दिवाळी’ या मोहिमेद्वारे आम्हाला सर्व कुटुंबांनी सण सुरक्षितपणे साजरा करावा आणि जखमी मुलांना कोणत्याही विलंबाशिवाय तज्ञ डॉक्टरांचे उपचार मिळतील हे सुनिश्चित करायचे आहे.”
· सुरक्षित अंतर ठेवा: फटाके हाताच्या पूर्ण अंतरावरून पेटवा, यासाठी लांब अगरबत्तीचा वापर करणे अधिक योग्य ठरेल, आणि फटाका पेटवल्यानंतर लगेचच मागे सरका.
· चष्मा वापरा: लहान मुलांनी आणि फटाके पेटवणाऱ्या प्रौढ व्यक्तींना सुरक्षा चष्मा (आय वेअर) नक्कीच घेतला पाहिजे.
· मुलांवर देखरेख ठेवा: मुलांनी केवळ प्रौढांच्या देखरेखीखालीच फटाके वाजवले पाहिजेत.
· फटाक्यांवर कधीही झुकू नका: फटाका पेटवताना त्याच्यावर पुढे झुकू नका आणि न वाजलेल्या (फसलेल्या) फटाक्याजवळ कधीही परत जाऊ नका.
· जखमी डोळा कधीही चोळू नका: डोळा चोळल्यामुळे फटाक्यांचे बारीक कण आत खोलवर जाऊ शकतात आणि दुखापत अधिक वाढू शकते.
दुखापत झाल्यास, मुलांना शांत ठेवा आणि दोन्ही डोळे शक्य तितके स्थिर ठेवण्याचा प्रयत्न करा. डोळा चोळू नका किंवा दाबू नका आणि त्यात अडकलेली कोणतीही गोष्ट स्वतः काढण्याचा प्रयत्न करू नका. डोळ्यावर पाण्याचा तीव्र झोत मारून तो धुवू नका, तसेच काजळ, मलम, ड्रॉप्स किंवा कोणताही घरगुती उपाय करू नका.
कोल्हापूर, सांगली, सातारा आज बंद; स्वाभिमानी शेतकरी संघटनेची हाक, ठिकठिकाणी बंदोबस्त
डोळ्यावर कोणताही दाब न पडू देता तो एखाद्या स्वच्छ कव्हरने हलकेच झाका, आणि मुलांना तातडीने जवळच्या एएसजी आय हॉस्पिटल केंद्रात किंवा आय इमर्जन्सी सेवेमध्ये घेऊन जा. तज्ञ डॉक्टरांकडून वेळेत मिळालेले उपचार डोळा पूर्णपणे बरा करू शकतात आणि दृष्टी कायमची जाण्यापासून वाचवू शकतात.
Ans: ‘सुरक्षित डोळे, सुरक्षित दिवाळी’ ही मुलांच्या डोळ्यांच्या सुरक्षेसाठी मोहीम आहे.
Ans: फटाक्यांमुळे डोळ्यांना दुखापत झालेल्या १५ वर्षांखालील मुलांना
Ans: ४ नोव्हेंबर ते १४ नोव्हेंबर २०२६ पर्यंत.
