Ashok Kharat Education : अंकातून भविष्य मांडणार भोंदूबाबा गणितात फेल; अशोक खरात 10 वी नापास

नाशिकचा भोंदूबाबा अशोक खरात याची शैक्षणिक पात्रता समोर आली आहे. अंकशास्त्राचा दावा करुन लोकांच्या भविष्याची गणितं मांडणारा हा भोंदूबाबा मात्र गणितामध्ये नापास झाला आहे.

• अशोक खरातचे शैक्षणिक पात्रता समोर
• भोंदूबाबा अशोक खरात 10 वी नापास
• अशोक खरातला गणितामध्ये 28 मार्क

 

Ashok Kharat Education : नाशिक : अंधश्रद्धेचा वापर करुन महिलांवर लैंगिक अत्याचार करणारा भोंदूबाबा अशोक खरातचे अनेक प्रकरण समोर येत आहेत. अशोकचे अनेक घोटाळे समोर आले असून आता त्याची शैक्षणिक पात्रता समोर आली आहे. यामध्ये तो गणितामध्ये नापास असल्याची बाब समोर आली आहे. (Crime News) विशेष म्हणजे अंकशास्त्राचा दावा करुन लोकांच्या भविष्याची गणितं मांडणारा हा भोंदूबाबा मात्र गणितामध्ये नापास झाला आहे. याचबरोबर अशोक खरात (Ashok Kharat) याने आपले नावही बदलले असल्याचे देखील समोर आले आहे.

भोंदूबाबा अशोक खरात याची पोलीस कोठडी 29 मार्चपर्यंत वाढवण्यात आली आहे. तसेच सात गुन्हे आतापर्यंत त्याच्यावर दाखल करण्यात आले. त्याने अनेक महिलांवर लैंगिक अत्याचार केल्याचे समोर आले आहे. तसेच याचे अनेक फोटो आणि व्हिडिओ देखील सोशल मीडियावर व्हायरल झाले आहेत. राज्यातील सनदी अधिकारी आणि बड्या नेत्यांसोबत त्याचे घरचे संबंध होते. पोलिसांच्या हाती लैंगिक अत्याचार करतानाचे 100 पेक्षा अधिक व्हिडीओ आहेत. तसेच त्याचे राजकीय नेत्यांसोबत वैयक्तिक संबंध असल्याचे समोर आले आहे. यामुळे एकच खळबळ उडाली आहे.

हे देखील वाचा : तांत्रिक खरातने दिला नरबळी: सुनावणीदरम्यान सरकारी वकिलाचा खळबळजनक संशय

अशोक खरातचे दहावीचे गुण समोर आले आहेत. भोंदूबाबा अंकांच्या जोरावर लोकांचे भविष्य मांडत होता आणि फसवत होता. मात्र तो स्वतः गणिताच्या पेपरमध्ये नापास असल्याचे समोर आले आहे. दहावीमध्ये अशोक खरातला गणितामध्ये केवळ 28 गुण असल्याचे समोर आले आहे. तसेच इतर विषयांमध्ये सुद्धा तो काठावर पास झाला होता. दहावीमध्ये त्याची एकूण टक्केवारी ही सरासरी 35 टक्के होती. त्यामुळे अशोक खरातकडे शैक्षणिक पात्रता नसल्याचे देखील समोर आले आहे.
त्याचबरोबर नाशिकचा भोंदूबाबा अशोक खरातने त्याचे नाव बदलले असल्याची धक्कादायक बाब समोर आली आहे. त्याचे खरे नाव हे लक्ष्मण होते. त्याने खरं नाव बदलून त्याच नाव अशोक कुमार करुन घेतलं. सिन्नर तालुक्यातील कहांडळवाडी येथे त्याचे शिक्षण झाले होते. अंकशास्त्राच्या थापा मारणाऱ्या अशोक खरातची त्याच्या दहावीच्या मार्कांनी पोलखोल केली आहे.

हे देखील वाचा : रूपाली चाकणकरांचा पाय खोलात? Ashok Kharat प्रकरणात थेट…

५ जिवंत काडतुसे सापडली

अशोक खरातवर वन्यजीव शिकार प्रकरणाचाही संशय व्यक्त केला जात आहे. त्याने हरणाची शिकार करून ‘कस्तुरी’ नावाने काही पदार्थ लोकांना दिला आहे. या सर्व आरोपांची सखोल चौकशी सुरू आहे. अशोक खरात हा भक्तांना साप, वाघ दाखवायचा अशी माहितीही तपासामध्ये समोर आली. पोलिस कोठडीची मागणी करताना सरकारी वकिलांनी याचा उल्लेख केला. अशोक खरातने बोटात घालायचे खडे कुठून आणले? मिश्रित पाणी कुठून आणले? याचा तपास करायचा आहे. त्याच्याकडे 5 जिवंत काडतुसेही सापडले आहेत, अशी माहिती सरकारी वकिलांनी न्यायालयाला दिली.