नाशिक सेक्स स्कँडल: तांत्रिक खरातने दिला नरबळी, सरकारी वकिलाचा खळबळजनक संशय
नवले पुलावरील अपघात रोखण्यासाठी सरकारकडून प्रयत्न सुरु; एलिव्हेटेड रोडसाठी केंद्राकडे प्रस्ताव
अशोक खरातची पोलिस कोठडीची मुदत मंगळवारी संपली होती. यावेळी आतापर्यंत तपासात काय निष्पन्न झाले, याबाबतीत पोलिसांकडून न्यायालयात माहिती दिली. यानंतर न्यायालयाने खरातला 5 दिवसांची म्हणजेच 29 मार्चपर्यंत पोलिस कोठडी सुनावली.
राज्यभर खळबळ उडविणाऱ्या भोंदूबाबा अशोक खरात लैंगिक शोषण प्रकरणाला आणखी एक धक्कादायक वळण लागले आहे. खरातने एका महिलेला धार्मिक विधी करायचा असे सांगून बोलावून घेतले आणि तिच्यावर बलात्कार केल्याचे प्रकरण समोर आले आहे. अशोक खरात याने फेब्रुवारी २०२० पासून आरोपीने महिलेला एकांतात बोलावून धार्मिक विधी करण्याच्या बहाण्याने तिच्यावर अत्याचार केला. या महिलेने तक्रार दाखल केल्यानंतर हा प्रकार समोर आला आहे.
पीडित महिलेने दिलेल्या तक्रारीनुसार, अशोक खरात याने ‘तुझे भविष्य माझ्याशी जोडलेले आहे, माझ्याशी विवाह कर’ असे सांगत तिच्यावर दबाव टाकला. मे २०२२ मध्ये आरोपी खरातने कार्यालयात बोलावून मंतरलेले पाणी पाजून असाच अत्याचार केला. यानंतरही अनेक वेळा अशाच प्रकारे अत्याचार करण्यात आले. ‘यासंदर्भात कुणाला सांगितले तर तुझे व तुझ्या मुलांचे आयुष्य उद्धवस्त होईल’ अशी धमकीवजा भीती घालून आरोपी अशोक खरात याने गप्प बसवले, असे पीडित महिलेने तक्रारीत म्हटले आहे.
अशोक खरातवर वन्यजीव शिकार प्रकरणाचाही संशय व्यक्त केला जात आहे. त्याने हरणाची शिकार करून ‘कस्तुरी’ नावाने काही पदार्थ लोकांना दिला आहे. या सर्व आरोपांची सखोल चौकशी सुरू आहे. अशोक खरात हा भक्तांना साप, वाघ दाखवायचा अशी माहितीही तपासामध्ये समोर आली. पोलिस कोठडीची मागणी करताना सरकारी वकिलांनी याचा उल्लेख केला. अशोक खरातने बोटात घालायचे खडे कुठून आणले? मिश्रित पाणी कुठून आणले? याचा तपास करायचा आहे. त्याच्याकडे 5 जिवंत काडतुसेही सापडले आहेत, अशी माहिती सरकारी वकिलांनी न्यायालयाला दिली.
