Bhama-Askhed Dam: भामा-आसखेडचा पुणे, पिंपरी-चिंचवडसह ४ तालुक्यांना आधार; ५.३२ टीएमसी पाणी शिल्लक

यंदा १४ मार्च रोजी धरणातून पहिले उन्हाळी आवर्तन सोडण्यात आले. या आवर्तनामुळे भामा-भीमा नदीपात्रातील कोल्हापूर पद्धतीचे तब्बल १८ बंधारे पाण्याने भरले.

• भामा-आसखेड धरणात सध्या ६३.१५ टक्के (५.३२ टीएमसी) समाधानकारक पाणीसाठा उपलब्ध
• १४ मार्च रोजी सोडलेल्या उन्हाळी आवर्तनामुळे भामा-भीमा नदीपात्रातील १८ बंधारे भरले
• पुणे, पिंपरी-चिंचवडसह खेड, शिरूर, दौंड आणि हवेली तालुक्यातील शेती व पिण्याच्या पाण्याचा प्रश्न मार्गी

Bhama-Askhed Dam Water: खेड तालुक्यातील भामा नदीवरील भामा-आसखेड धरणातील समाधानकारक पाणीसाठ्यामुळे शेतकरी व नागरिकांना मोठा दिलासा मिळाला आहे. सध्या धरणात ५.३२ टीएमसी म्हणजेच ६३.१५ टक्के पाणीसाठा शिल्लक आहे. अजून दोन महिने उन्हाळा बाकी असतानाही ही स्थिती आशादायक मानली जात आहे. ८.१४ टीएमसी क्षमतेच्या या महत्त्वपूर्ण धरणाचे स्थान खेडच्या पश्चिम भागातील करंजविहीरे परिसरात आहे. या धरणावर खेड, शिरूर, दौंड आणि हवेली या चार तालुक्यांचा शेती व पिण्याच्या पाण्यासाठी मोठा आधार आहे. याचबरोबर पुणे आणि पिंपरी-चिंचवड महापालिकेलाही येथून पाणीपुरवठा केला जातो. त्यामुळे या धरणातील साठ्याची स्थिती संपूर्ण परिसरासाठी अत्यंत महत्त्वाची ठरते.

ऐन उन्हाळ्यात कलिंगडाचे बाजारभाव कोसळले; शेतकरी हवालदिल, हवामान अनुकूल पण मागणी…

यंदा १४ मार्च रोजी धरणातून रोजी पहिले आवर्तन

यंदा १४ मार्च रोजी धरणातून पहिले उन्हाळी आवर्तन सोडण्यात आले. या आवर्तनामुळे भामा-भीमा नदीपात्रातील कोल्हापूर पद्धतीचे तब्बल १८ बंधारे पाण्याने भरले. धरणापासून दौड तालुक्यातील आलेगावपागा पर्यंत पाण्याची उपलब्धता निर्माण झाली आहे. परिणामी, उन्हाती पिकांना पाणी मिळण्याबरोबरच विविध पाणीपुरवठा योजनांनाही मोठा हातभार लागला आहे.

विजय शिवतारे यांना कन्या ममता शिवतारे यांच्याकडून किडनी दान; पतीसह कुटुंबियांनी दिला आधार

साठा मागील वर्षाच्या तुलनेत अधिक

सध्या धरणातील पाण्याची पातळी ६६५.६८ द.ल.घ.मी इतकी आहे. एकूण पाणीसाठा १५०.६३५ द.ल.घ.मी आहे. त्यापैकी उपयुक्त पाणीसाठा १४७.११३ द.ल.घ.मी इतका असल्याचे जलसंपदा विभागाकडून सांगण्यात आले. विशेष म्हणजे, यंदाचा साठा मागील वर्षांच्या तुलनेत अधिक असल्याने परिस्थिती अधिक स्थिर असल्याचे दिसून येते. दरम्यान, शेतकऱ्यांच्या मागणीनुसार पुढील काळात आवश्यकतेनुसार धरणातून आणखी पाणी सोडण्याबाबत निर्णय घेतला जाणार असल्याची माहिती जलसंपदा विभागाच्या अधिकाऱ्यांनी दिली. एकूणच, भामा आसखेड धरणातील समाधानकारक साठ्यामुळे शेती, पाणीपुरवठा आणि नागरी जीवनाला मोठा दिलासा मिळाला आहे.