सोलापूर : उजनीच्या पात्रात बोट बुडून (Boat Drowned) एक मोठी दुर्घटना घडली. यामध्ये पती-पत्नी व त्यांची दोन लहान मुले आणि इतर दोघे असे एकूण सहाजण बुडाल्याची माहिती दिली जात आहे. या दुर्घटनेत एकजण कळाशीकडे पोहत आल्याने बचावला असून, इतरांचा शोध सुरू आहे. ही बोट कुगाव (ता. करमाळा) ते कळाशी (ता. इंदापूर) या दरम्यान उलटली.
गोकुळ दत्तात्रय जाधव (वय ३०), कोमल गोकुळ जाधव (वय २५), शुभम गोकूळ जाधव (वय दीड वर्ष), माही गोकूळ जाधव (वय ३, रा. झरे, ता. करमाळा, जि. सोलापूर), कुगाव येथील अनुराग अवघडे (वय ३५) व गौरव डोंगरे (वय १६), अशी बोट उलटून बुडाल्यांची नावे आहेत. भीमा नदीच्या पात्रात करमाळा तालुक्यातील कुगाव येथून ही बोट मंगळवारी (ता.21) सायंकाळी पाच वाजण्याच्या सुमारास इंदापूर तालुक्यातील कळाशी या गावाकडे येत होती. त्यात कुगाव व झरे (ता. करमाळा) येथील सात प्रवासी होते. यावेळी जोरदार वादळ सुटल्याने ती बोट उलटली.
धरणात बुडाल्यांमध्ये एक महिला, तीन पुरुष आणि दोन लहान मुलांचा समावेश आहे. या बोटीतील एकजण पोहत कडेला आला. राहुल डोंगरे असे संबंधिताचे नाव आहे. राहुल यांना प्राथमिक उपचारासाठी इदापूर येथील उपजिल्हा रुग्णालय दाखल करण्यात आले असून, त्यांची प्रकृती स्थिर असल्याचे सांगण्यात आले.
.png "Videos"){kind=small}
