Washim: लाखोंचा ऐवज लंपास, एलसीबीच्या कारवाईत अट्टल घरफोड्या जेरबंद; घरफोडीचे दोन्ही गुन्हे उघडकीस ११ लाखांचा मुद्देमाल जप्त

Washim House Break-In Theft News : वाशिम शहरात एकाच दिवशी दोन घरांचे कुलूप तोडून सोन्या-चांदीचे दागिने आणि रोख रकमेसह लाखो रुपयांचा ऐवज लंपास करणाऱ्या अज्ञात चोरट्याचा पोलिसांनी छडा लावला आहे. अट्टल घरफोड्याला अटक करण्यात आली असून, त्याच्याविरुद्ध वाशिम शहर पोलिस ठाण्यात गुन्हा दाखल होता.

• वाशिममध्ये चोरट्यांचा धुमाकूळ थांबवला
• अट्टल घरफोड्या जेरबंद
• दोन गुन्ह्यांतील ११ लाखांचा ऐवज जप्त

वाशिम: शहरात एकाच दिवशी दोन घराचा कडीकोंडा तोंडून घरफोडी करून लाखोचा ऐवज चोरून नेला होता. या दोन्ही घरफोडीतील गुन्हेगाराला स्थानिक गुन्हे शाखेच्या कारवाईत अट्टल घरफोड्‌याला अटक केली.सीताराम सखाराम वाशिमकर (६५, रा. एरिगेशन कॉलनी, सिव्हील लाईन, ता. जि. वाशिम) व अरुण रामराव सरनाईक (५९, रा. योजना पार्क, सिव्हील लाईन, ता. जि. वाशिम) यांच्या राहत्या घरी अज्ञात चोरट्याने त्यांचे घराचे कुलूप तोडून घरात प्रवेश करून लाखो रूपयांचे सोन्या-चांदीचे दागिने व रोख रक्कम चोरून नेली होती. त्यावरून पोलिस स्टेशन वाशिम शहर येथे अज्ञाताविरोधात गुन्हा नोंद करण्यात आला होता.

Buldhana: काळजी करू नका एक-दोन दिवसांत मदत जाहीर करू, उपमुख्यमंत्री शिंदे यांनी दिला दिलासा; नुकसानग्रस्त शेतकऱ्यांशी साधला संवाद

सदरचे दोन्ही गुन्ह्यातील अज्ञात आरोपींचा शोध घेऊन गुन्हा उघडकीस आणण्याच्या सूचना पोलिस अधीक्षक खाटमोडे-पाटील यांनी स्थानिक गुन्हे शाखा, वाशिम येथील अधिकारी व अंमलदारांना दिल्यायावरून स्थानिक गुन्हे शाखा, वाशिम येथील अधिकारी व अंमलदारांनी तांत्रिक व गोपनिय माहितीच्या आधारे आरोपी रॅन्डो उर्फ फिरोज खान साहेब खान (३६, रा. मुखरी चौक, तुकाराम बापू वॉर्ड, पुसद) याला अटक करून मेहकर पोलिसांच्या स्वाधीन करण्यात आहे.

सदरची कामगिरी पोलिस अधीक्षक निकेश खाटमोडे-पाटील, अपर पोलिस अधीक्षक लता फड, उपविभागीय पोलिस अधिकारी, वाशिम रामकृष्ण पवार याल मार्गदर्शनाखाली व पोलिस निरीक्षक सुधाकर आहे, स्थानिक गुन्हे शाखा, जि. वाशिम यांच्या नेतृत्वाखाली पोउपनि, सचिन गोखले, पोउपनि शेखर मास्कर, पोलिस अंमलदार गजानन अवगळे, दिलीप देवकते, विनोद अवगळे, भूषण ठाकरे, विठ्ठल महाले, तुषार ठाकरे, संदीप दुतोंडे, अविनाश वाढे, संतोष बाघ, श्याम इंगळे, सुनील तायडे व अंगुली मुद्रा शाखा, वाशिम येथील सपोनि. आशिष भोंडे, पोलिस अंमलदार संदीप सरोदे, महेश आकरे, शीतल मानकर, गणेश बिंगल यांनी केली.

गुन्हे केल्याची कबुली

त्याला नमूद दोन्ही गुन्ह्यांबंधाने विचारपूस केली असता त्याने नमूद दोन्ही गुन्हे केल्याची कबूली दिली. त्यानंतर त्याच्याकडून गुन्ह्यात चोरी गेलेले एकूण ७ तोळे सोन्याची लगड व ९ तोळे चांदीची लगड, असा एकूण किंमत ११,०५,००० रुपयांचा मुद्देमाल पंचासमक्ष जप्त करण्यात आला. सदर गुन्हयाचा पुढील तपास वाशिम शहर पोलिस स्टेशन करीत आहेत.

Buldhana: दुष्काळाच्या झळा, मदतीकडे डोळा; पावसाने पाठ फिरवल्याने पिके धोक्यात, शेतकऱ्यांना तातडीच्या मदतीची अपेक्षा