Sambhajinagar MNC Election: छत्रपती संभाजीनगर मनपा निवडणुकीची तयारी सुसाट! मतदानासाठी प्रशासन आणि पोलीस यंत्रणा सज्ज

छत्रपती संभाजीनगर महानगरपालिका निवडणुकीसाठी प्रशासन सज्ज झाले आहे. १५ जानेवारीला होणाऱ्या मतदानासाठी मोबाईल बंदी आणि वेबकास्टिंगसारखे कडक नियम लागू करण्यात आले आहेत.

 

• छत्रपती संभाजीनगर महानगरपालिका निवडणूक
• प्रशासकीय यंत्रणा सज्ज
• मतदान केंद्रात मोबाईल नेण्यास सक्त मनाई!

Chhatrapati Sambhajinagar Muncipal Election: आगामी १५ जानेवारी रोजी होणाऱ्या महानगरपालिका निवडणुकीसाठी प्रशासनाने कंबर कसली आहे. “निवडणूक प्रक्रिया निर्भीड, पारदर्शक आणि भयमुक्त वातावरणात पार पाडणे ही आपली सामूहिक जबाबदारी असून, कोणत्याही दबावाला बळी न पडता कायद्याच्या चौकटीत राहून काम करा,” असे स्पष्ट निर्देश महानगरपालिका आयुक्त तथा प्रशासक जी. श्रीकांत यांनी दिले आहेत. निवडणूक तयारीचा आढावा घेण्यासाठी स्मार्ट सिटी कार्यालयात मनपा प्रशासन, पोलीस आयुक्तालय आणि निवडणूक विभागाची संयुक्त बैठक पार पडली.

बैठकीतील महत्त्वाचे मुद्दे

• आचारसंहितेची कडक अंमलबजावणी: बैठकीत मतदान केंद्रांची संख्या, अंतिम ठिकाणे, मतमोजणी केंद्रांची व्यवस्था आणि आदर्श आचारसंहितेच्या अंमलबजावणीचा सविस्तर आढावा घेण्यात आला.
• मतदारांसाठी सोयी-सुविधा: प्रत्येक मतदान केंद्रावर पिण्याचे पाणी, सावली आणि इतर मूलभूत सुविधा असणे अनिवार्य असल्याचे आयुक्तांनी स्पष्ट केले.
• तक्रार निवारण: मतदारांच्या तक्रारींचे त्वरित निवारण करण्यासाठी स्वतंत्र यंत्रणा कार्यान्वित करण्यात आली आहे.

हे देखील वाचा: Chhatrapati Sambhajinagar Municipal Election: महापालिका निवडणुकीसाठी प्रशासन सज्ज! २९ प्रभागांतून ११५ नगरसेवक निवडणार

मतदान केंद्रात मोबाईलला ‘नो एन्ट्री’

पोलीस आयुक्त प्रवीण पवार यांनी सुरक्षा नियोजनाबाबत महत्त्वाची माहिती दिली:

१. १०० मीटरचा नियम: मतदान केंद्राच्या १०० मीटर परिसरात आणि केंद्रात मोबाईल फोन नेण्यास सक्त मनाई असेल.

२. मोबाईल संकलन केंद्र: मतदारांचे मोबाईल जमा करण्यासाठी केंद्रापासून १०० मीटर अंतरावर स्वतंत्र व्यवस्था केली जाणार आहे.

३. कडक बंदोबस्त: केंद्रांची अंतिम यादी प्राप्त होताच चोख पोलीस बंदोबस्त तैनात केला जाईल.

तंत्रज्ञानाचा वापर आणि पारदर्शकता

निवडणूक प्रक्रिया अधिक पारदर्शक करण्यासाठी प्रशासनाने आधुनिक तंत्रज्ञानावर भर दिला आहे:

• प्रत्येक मतदान केंद्रावर CCTV कॅमेरे बसवले जातील.
• निवडणुकीचे वेबकास्टिंग (Webcasting) केले जाणार आहे, जेणेकरून कोणत्याही गडबडीवर नियंत्रण ठेवता येईल.

हे देखील वाचा: Land Fraud News: जमीन विक्रीच्या नावाखाली २.८९ कोटींचा गंडा! बीडच्या दोन व्यापाऱ्यांची अशी झाली फसवणूक

थोडक्यात माहिती: