संभाजीनगर महापालिका मालामाल! प्राणिसंग्रहालय आणि उद्यानांच्या उत्पन्नात मोठी वाढ (Photo Credit- X)
विद्यार्थ्यांच्या सहली, पर्यटक आणि स्थानिक नागरिक यांच्या भेटींमुळे प्राणिसंग्रहालयात सतत वर्दळ असते. विशेषतः सिंह-वाघांच्या डरकाळ्या आणि प्राण्यांच्या हालचाली पाहण्याचा अनुभव पर्यटकांना आकर्षित करतो. नियोजनबद्ध व्यवस्थापन आणि प्राण्यांची योग्य निगा यामुळेच तिकीट विक्रीतून मोठे उत्पन्न मिळाले आहे. जानेवारी महिन्यात सर्वाधिक ४६.५८ लाख रुपये, तर डिसेंबरमध्ये ४२ लाख रुपये उत्पन्नाची नोंद झाली.
शहरातील प्रमुख विरंगुळा केंद्र म्हणून सिद्धार्थ उद्यानाची ओळख निर्माण झाली आहे. सुट्यांच्या काळात येथे कुटुंबे, विद्यार्थी आणि पर्यटकांची प्रचंड गर्दी होते. उद्यानात लहान मुलांसाठी खेळण्याची साधने, वयोवृद्धांसाठी फेरफटका मारण्याची व्यवस्था, तसेच रंगीत-संगीत कारंजे आणि गौतम बुद्धांचा भव्य पुतळा हे प्रमुख आकर्षण आहेत. याशिवाय, मराठवाडा मुक्तीसंग्राम दालनात इतिहासाची माहिती देण्यात येते. सुरक्षेसाठी सीसीटीव्ही कॅमेरे, स्वच्छतागृहे आणि पिण्याच्या पाण्याच्या सुविधा उपलब्ध करून देण्यात आल्या आहेत.
प्राणिसंग्रहालयाने वर्षभरात २ कोटी ९८ लाख ४१ हजार रुपयांचे उत्पन्न मिळवले, पर्यटकांची वाढती संख्या, सुट्यांतील गर्दी आणि व्यवस्थापनातील सुधारणा यामुळे महसुलात मोठी भर पडली आहे. जानेवारी आणि डिसेंबर महिन्यांमध्ये सर्वाधिक कमाई झाली.
महापालिकेच्या पाच प्रमुख उद्यानांमधून एकूण १ कोटी ८६ लाख ७० हजार रुपयाचे उत्पन्न झाले. त्यामध्ये सिद्धार्थ उद्यान १ कोटी ४५ लाख, डॉ. बाबासाहेब आंबेडकर तारांगण उद्यान – ११.४३ लाख, कमल तलाव – ४९ हजार, बाळासाहेब ठाकरे बॉटनिकल गार्डन १७.६७ लाख, महाराणा प्रतापसिंह उद्यान- १२.०९ लाख
.png "Videos"){kind=small}
