भारत जोडोसाठी काँग्रेसची दुचाकी रॅली ; देहूरोड येथे रॅलीचा समारोप

देहूरोड : काँग्रेस पक्षाचे खासदार राहुल गांधी यांच्या भारत जोडो यात्रेसाठी  सासवड येथील  शिवतीर्थ येथून  काँग्रेसचे जिल्हाध्यक्ष तथा आमदार संजय जगताप यांच्या नेतृत्वाखाली भव्य दुचाकी रॅली काढण्यात आली.  सासवड येथून लोणावळा दरम्यान काढण्यात आलेल्या रॅलीचा  देहूरोड येथे  समारोप करण्यात आला.

देहूरोड येथे  गुरुद्वारा मार्गे मेन बाजारपेठेतील सुभाष चौकामध्ये दुचाकी रॅली आल्यानंतर नेताजी सुभाषचंद्र बोस आणि छत्रपती शिवाजी महाराज यांच्या पुतळ्याला काँग्रेसचे जिल्हाध्यक्ष तथा आ. जगताप आणि शहराध्यक्ष हाजीमलंग मारीमुत्तू  यांच्या हस्ते पुष्पहार अर्पण करण्यात आला. यावेळी भारत जोडो याच्या समर्थनात मनोगत व्यक्त करण्यात आले व जनजागृती करत काँग्रेस पक्षाच्या विजयाच्या घोषणा देण्यात आल्या. त्यानंतर भाजी मंडई, वृंदावन चौक मार्गे  दुचाकी रॅली देहूरोड कॅन्टोन्मेंट बोर्ड  रुग्णालयाच्या आवारातील डॉ.बाबासाहेब आंबेडकर पुतळ्याजवळ  रॅलीचा  समारोप करण्यात आला.

काँग्रेसचे  प्रदेश उपाध्यक्ष देविदास भन्साळी,  जिल्हा उपाध्यक्ष संग्राम मोहोळ, महिला  जिल्हा अध्यक्षा किरण काळभोर, अल्पसंख्यांक जिल्हा अध्यक्ष जमिर काझी, तसेच  चंद्रकांत  गोरे पाटील, पृथ्वीराज पाटील,  यशवंत मोहळ,  प्रवीण गायकवाड,   दीपक सायसर,  गफूर  शेख,   व्यंकटेश कोळी,  शंकर टी जयसिंग, राणी पांडियन, अनिता  मारीमुत्तू, संभाजी पिंजण, चंद्रशेखर मारीमुत्तू, मेहबूब गोलंदाज, बबन टोंम्पे, राकेश सोळंकी,  मलिक शेख, आसिफ शेख, रईस शेख, आकाश रामनारयन,  व्यंकटेश वीरण, मुत्तू अम्मावसी, कुबेन्द्र मारीमुत्तू,  वर्धाराजन मारीमुत्तू, राजू   गोडसे, तवमनी अम्मवशी, लक्ष्मी नाडार, सिंधू शिरसाठ, तवमनी अम्मवशी तसेच पदाधिकारी व कार्यकर्ते  उपस्थित होते.

Web Title: Congress bike rally for bharat jodo rally ends at dehurod

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com