अमरावतीत मैदानाच्या आरक्षणावरून वाद?; राणा, कडू आमने-सामने

राणा, कडू वाद गेले काही दिवस संपूर्ण महाराष्ट्र पाहत आहे मात्र आता लोकसभा निवडणुकीच्या अनुषंगाने अमरावतीच्या सायन्सकोर मैदानाच्या आरक्षणावरून मोठा वाद निर्माण होणार आहे.

Follow Us:

Follow Us:

अमरावती : राणा, कडू वाद गेले काही दिवस संपूर्ण महाराष्ट्र पाहत आहे मात्र आता लोकसभा निवडणुकीच्या अनुषंगाने अमरावतीच्या सायन्सकोर मैदानाच्या आरक्षणावरून मोठा वाद निर्माण होणार आहे. उद्या नवनीत राणा यांच्या प्रचारार्थ अमित शहांची सभा याच मैदानावर होणार असल्याचा दावा राणा यांनी केला आहे तर बच्चू कडू यांच्या उमेदवाराची प्रचार सभा देखील याच ठिकाणी होणार आहे. त्यामुळे कडू आणि राणा एकमेकांविरोधात उभे टाकल्याचे पाहायला मिळत आहे.

बच्चू कडू यांनी हे मैदान आरक्षित केले असून, त्यांच मैदानावर राणा यांनी ताबा घेतल्याचे पाहायला मिळाले आहे. मात्र रवी राणा यांच्याकडे परवानगी नसतांना अमित शहा यांच्या सभेसाठी राणांनी सभामंडप उभारला आहे तर आज प्रशासनाने आम्हाला मैदान खाली करून द्यावे, अन्यथा 1 लाख शेतकरी घेऊन जिल्हाधिकारी कार्यालयाला घेराव घालण्याचा ईशारा बच्चू कडू यांनी दिला आहे.

हा मंडप उभारण्यासाठी मला रवी राणा यांनी सांगितले आहे. 300 बाय 600 स्केअर फूट चा मंडप उभारणीचं काम अंतिम टप्प्यात आलं आहे, तर 25 हजार खुर्च्यांची व्यवस्था करण्यात आली आहे, अशी माहिती रवी राणा यांनी ज्यांना मंडपचे काम दिलं आहे ते राजेंद्र महाजण या डेकोरेशन संचालकाने दिली.

Web Title: Controversy in amravati navneet rana bachchu bitter face to face nrdm

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com