विश्वासू नोकरानेच केली सव्वा कोटींची फसवणूक

याप्रकरणी शरद दिगंबर काळभोर (वय ५७ वर्षे, रा. काळभोरनगर, चिंचवड) यांनी सोमवारी चिखली पोलीस ठाण्यात फिर्याद दिली आहे. यावरून संतोष यशवंत मयेकर, साईल संतोष मयेकर (दोघे रा. ताम्हाणेवस्ती, तळवडे) यांच्यावर चिखली पोलीस ठाण्यात गुन्हा दाखल करण्यात आला आहे.

पिंपरी- नोकरीवर असणाऱ्या विश्वासू माणसाकडूनच मालकाची तब्बल सव्वा कोटींची फसवणूक झाल्याची तक्रार चिखली पोलीस ठाण्यात दाखल झाली आहे. हा प्रकार एप्रिल २०१३ ते डिसेंबर २०२१ या कालावधीत सहयोगनगर तळवडे येथे घडली.

याप्रकरणी शरद दिगंबर काळभोर (वय ५७ वर्षे, रा. काळभोरनगर, चिंचवड) यांनी सोमवारी चिखली पोलीस ठाण्यात फिर्याद दिली आहे. यावरून संतोष यशवंत मयेकर, साईल संतोष मयेकर (दोघे रा. ताम्हाणेवस्ती, तळवडे) यांच्यावर चिखली पोलीस ठाण्यात गुन्हा दाखल करण्यात आला आहे.

पोलिसांनी दिलेल्या माहितीनुसार, आरोपी संतोष मयेकर हा फिर्यादी यांच्याकडे सन १९९० पासून नोकर म्हणून कामाला होता. फिर्यादी काळभोर आणि भोंडवे यांच्या मालकीचे सहयोगनगर तळवडे येथे नंदादीप इंडस्ट्रियल कॉम्प्लेक्समध्ये ३९ व्यावसायिक गाळे आहेत. त्या गाळ्यांचे भाडे वसुलीचे काम फिर्यादी यांनी संतोष मयेकर याला दिले होते. सन २०१३ ते डिसेंबर २०२१ या कालावधीत आरोपीने भाडेकरूंकडून भाडे रोख तसेच चेक स्वरूपात घेतले. ते भाड्याचे पैसे फिर्यादी अथवा त्यांच्या कुटुंबियांना न देता परस्पर स्वतःच्या आणि आरोपी साईल मयेकर याच्या बँक खात्यात जमा केली. यामध्ये फिर्यादी यांची एक कोटी २० लाख २८ हजार २५० रुपयांची फसवणूक झाली असल्याचे फिर्यादीत म्हटले आहे. चिखली पोलीस याचा पुढील तपास करीत आहेत.