दौंड रेल्वे स्थानकावर युद्धाभ्यासाचे प्रात्यक्षिक; १०० पेक्षा अधिक स्टाफचा सहभाग

यामध्ये सोलापूर रेल्वे विभागातर्फे ट्रेन नं.११४२१ हडपसर – सोलापूर पॅसेंजर सवारी ट्रेनची शंटिंग करते वेळेस शेवटचा कोच क्रमांक सीआर ४१४०४ / सी मालगाडीला अधिक गतीने धडक बसली ,त्यामुळे गाडीमध्ये प्रवास करणाऱ्या यात्रीकडे प्रतिबंधित ज्वलनशील पदार्थानी धडक बसल्यामुळे त्यांनी पेट घेतल्याने परिस्थिती गंभीर झाली. या दुर्घटनेची माहिती सोलापूर मंडल कंट्रोल ऑफिसला त्वरित देण्यात आली व तसेच दौंड स्थानिक प्रशासन, फायर ब्रिगेड विभाग, जिल्हा रुग्णालय, दौंड पोलीस विभाग यांना मदतीसाठी माहिती देण्यात आली.

दुर्घटनेचे गांभीर्य ओळखून रेल्वे टीम, एनडीआरएफ टिम, सिव्हिल डिफेन्स व विविध सरकारी व निम्न सरकारी आपत्कालीन विभागाने जिवाची बाजी लावून कोच मधून मृत, गंभीर जखमींना कोच बाहेर काढण्यात आले व इतर घाबरलेल्या यात्रेकरूंना दिलासा देऊन पुढील प्रवासासाठी मार्गस्थ करण्यात आले. वरील सर्व विभागांनी आपला सहभाग नोंदवून रेल्वे यात्रेकरूंची सुटका केली. या प्रात्यक्षिके वेळेस वरिष्ठ मंडल संरक्षा अधिकारी शिवाजी कदम, वरिष्ठ विभागीय वाणिज्य व्यवस्थापक योगेश पाटील, वरिष्ठ विभागीय यांत्रिकी अभियंता गजेंद्र सिंह मीना, सहाय्यक विभागीय संरक्षा अधिकारी भगत, सहाय्यक.वाणिज्य प्रबंधक सुदर्शन देशपांडे, डॉ विनोद, डॉ. निरंजन, डॉ. आर श्रीनिवास आणि सहाय्यक परिचालन व्यवस्थापक (जनरल)

सोलापूर एम पी. सिंग , टीम कमांडर इन्स्पेक्टर आर. जे. यादव, धर्मेंद्र सेवडा, नागरी संरक्षण जगदीश सिदगणे, उपस्थित होते. डॉ. सजीव एन के, चीफ मेडिकल सुपरिडेंट यांनी कृत्रिम श्वासोच्छवास व प्रथमोपचार या बद्दल माहिती व प्रात्यक्षिक सादर केले. या युद्ध अभ्यासात एकूण १०० पेक्षा अधिक स्टाफ ने सहभाग नोंदवला.