पुण्यात महिनाभरात MH-61 च्या सीरीज फुल्ल
पुणे आरटीओमध्ये दुचाकींसाठी १ सप्टेंबरपासून एमएच-६१ बी ही नवीन सीरीज सुरू करण्यात आली. ऑगस्टच्या अखेरीस एमएच-१२ झेडझेड ही सीरीज संपल्यानंतर नवीन सीरीज सुरू होण्यास विलंब झाला होता. त्यामुळे सुमारे आठ दिवस दुचाकींच्या नोंदणीची प्रक्रिया ठप्प झाली होती. या कालावधीत नवीन वाहने खरेदी करूनही अनेक वाहनांना क्रमांक मिळण्यासाठी प्रतीक्षा करावी लागली. या पार्श्वभूमीवर १ सप्टेंबरला एमएच-६१ बी सीरीज सुरू होताच प्रलंबित वाहनांची मोठ्या प्रमाणावर नोंदणी झाली. त्यामुळे ही सीरीज अवघ्या नऊ दिवसांत, म्हणजेच ९ सप्टेंबरला संपली. त्यानंतर १० सप्टेंबरला एमएच-६१ सी सीरीज सुरू करण्यात आली. ही सीरीजही २३ सप्टेंबरला संपली.
सध्या एमएच-६१ डी ही तिसरी सीरीज सुरू असून, आतापर्यंत त्यातील सुमारे ४५०० हून अधिक क्रमांक वितरित झाले आहेत. आरटीओच्या नियमानुसार एका सीरीजमध्ये नियमित आणि व्हीआयपी क्रमांक मिळून साधारण ९९९९ वाहनांची नोंदणी होते.
MH-61 क्रमांक मालिकेलाही मोठी पसंती
नवीन एमएच-६१ क्रमांक सुरू झाल्यानंतर महिन्याभरात सुमारे २५ हजार दुचाकींची नोंदणी झाल्याचे चित्र आहे. त्यामुळे शहरातील वाहनसंख्या वाढण्याबरोबरच नागरिकांमध्ये नव्या एमएच-६१ क्रमांक मालिकेलाही मोठी पसंती मिळत असल्याचे दिसून येत आहे.
महिनाभरातील नोंदणी
– एमएच-६१ : महिनाभरातील नोंदणी
– एमएच-६१ बी : १ ते ९ सप्टेंबर ९ दिवसांत सीरीज संपली
– एमएच-६१ सी : १० ते २३ सप्टेंबर – १४ दिवसांत सिरीज संपली
– एमएच-६१ डी : २६ सप्टेंबरपासून ४५०० हून अधिक क्रमांक
– एका सीरीजमध्ये नियमित + व्हीआयपी मिळून सुमारे ९९९९ क्रमांक
एमएच-६१ सुरू झाल्यानंतर : महिनाभरात सुमारे २५ हजार दुचाकींची नोंदणी
.png "Videos"){kind=small}
