Pune News: बारामती, पुरंदरमध्ये ‘इलेक्शन मोड’; मतदार यादी निरीक्षकांकडून BLO अन् मतदारांशी थेट संवाद

जिल्हाधिकारी कार्यालय, पुणे येथून सकाळी ११.३० वाजता दौऱ्याला सुरुवात होणार असून, विविध मतदान केंद्रांची प्रत्यक्ष पाहणी केल्यानंतर सायंकाळी ७.३० वाजता वरवंड येथे दौऱ्याची सांगता होणार आहे.

• पुणे विभागीय आयुक्त शीतल तेली-उगले १६ ऑक्टोबरला पुणे जिल्ह्याच्या दुसऱ्या दौऱ्यावर
• पुरंदर, बारामती, इंदापूर आणि दौंड या तालुक्यातील मतदान केंद्रांची होणार प्रत्यक्ष पाहणी
• सकाळी ११:३० वाजता जिल्हाधिकारी कार्यालयात आढावा बैठकीने दौऱ्याची सुरुवात

Pune News: भारत निवडणूक आयोगाच्या निर्देशानुसार मतदार याद्यांच्या विशेष सखोल पुनरीक्षण (SIR)-२०२६ अंतर्गत पुणे विभागाच्या विभागीय आयुक्त तथा मतदार यादी निरीक्षक शीतल तेली-उगले शुक्रवार, दि. १६ ऑक्टोबर रोजी पुणे जिल्ह्याच्या दुसऱ्या दौऱ्यावर येणार आहेत. या दौऱ्यात पुरंदर, बारामती, इंदापूर आणि दौंड तालुक्यांतील विविध मतदान केंद्रांना भेट देऊन मतदार यादी पुनरीक्षणाच्या कामाचा आढावा घेतला जाणार आहे.

जिल्हाधिकारी कार्यालय, पुणे येथून सकाळी ११.३० वाजता दौऱ्याला सुरुवात होणार असून, विविध मतदान केंद्रांची प्रत्यक्ष पाहणी केल्यानंतर सायंकाळी ७.३० वाजता वरवंड येथे दौऱ्याची सांगता होणार आहे.

Hair Care Tips: किचनमधील ‘या’ पदार्थांचा वापर करून घरीच बनवा घरगुती हेअर डाय,

या दौऱ्यात जिल्हाधिकारी कार्यालयातील आढावा बैठकीसह संबंधित मतदान केंद्रांवरील पुनरीक्षणाच्या कामाची प्रत्यक्ष पाहणी केली जाणार आहे. यावेळी मतदार यादीतील नोंदणी, दुरुस्ती, वगळणी तसेच इतर प्रक्रियेबाबतची माहिती भारत निवडणूक आयोगाच्या निर्देशांनुसार घेतली जाणार आहे. तसेच मतदान केंद्रस्तरीय अधिकारी (BLO) आणि मतदारांशी प्रत्यक्ष संवाद साधून पुनरीक्षणाच्या कामकाजातील अडचणी जाणून घेतल्या जाणार आहेत.

मतदार यादीसंदर्भात तक्रारी अथवा अडचणी असलेल्या नागरिकांना यावेळी आपल्या समस्या मतदार यादी निरीक्षकांसमोर मांडण्याची संधी उपलब्ध होणार आहे. त्यामुळे संबंधित नागरिकांनी आपल्या तक्रारी व हरकती आवश्यक कागदपत्रांसह मांडाव्यात, असे आवाहन करण्यात आले आहे.

Bombay HC on MPSC Protest : विद्यार्थ्यांच्या आंदोलनावर कोर्ट संतापलं; ‘विद्यार्थी समाजकंटक नाहीत,

मतदार नोंदणीसंदर्भातील तक्रारी भारत निवडणूक आयोगाच्या NGRS पोर्टलवर नोंदविता येणार असून, १९५० या टोल-फ्री कॉल सेंटर क्रमांकावरही संपर्क साधता येणार आहे. नागरिकांनी उपलब्ध सुविधांचा वापर करून मतदार यादी पुनरीक्षण प्रक्रियेत सक्रिय सहभाग नोंदवावा, असे आवाहन जिल्हाधिकारी तथा सहायक निवडणूक अधिकारी जितेंद्र डुडी यांनी केले आहे.