शनिवार, 3 ऑक्टोबर 2026
उजनीच्या पाण्यावर गदा आणणारा सव्वा लाख कोटींचा प्रकल्प नको!; धैर्यशील मोहिते-पाटील आक्रमक
येथील गोविंद बाग या निवासस्थानी ज्येष्ठ नेते शरद पवार यांची मोहिते पाटील यांनी भेट घेऊन या विषयासंदर्भात चर्चा केली. यानंतर माध्यमांशी ते बोलत होते.
यावेळी खा. धैर्यशील मोहिते -पाटील म्हणाले, राज्यामध्ये कोणतेही प्रकल्प येताना पारदर्शक पद्धतीने ते प्रकल्प आले पाहिजेत, यामध्ये राज्याचा विकास झाला पाहिजे, ही आमची भूमिका आहे. मात्र उजनी धरणावर चार प्रकल्प येत आहेत. यामध्ये सोलर प्रकल्प, ग्रीन हायड्रोजन तसेच एआय डेटा सेंटर या प्रकल्पांचा समावेश आहे.
या प्रकल्पाचे काम अत्यंत गोपनीय पद्धतीने सुरू झाले आहे. उजनी मध्ये एकूण नऊ प्रकल्पाची कामे सुरू आहेत, यामध्ये उजनी उजवा व डावा कालव्याचे काम पूर्ण आहे, उर्वरित चार प्रकल्प अर्धवट अवस्थेत आहेत. यामध्ये काहींचे काम ८० टक्के पूर्ण झालेले आहे. अशा स्थितीत डेटा सेंटरला मोठ्या प्रमाणावर पाण्याची आवश्यकता असते, हे जगमान्य आहे. गेल्या वर्षी सोलापूर जिल्ह्यात ६९० मिलिमीटर पाऊस झाला होता, यामध्ये उजनी ओव्हर फ्लो झाले होते, या भागातील नद्या नाले दुथडी भरून वाहत होते, तरी देखील मार्चमध्ये उजनी मधील पाणीसाठा मायनस मध्ये गेला.
Infertility: वंध्यत्व उपचारांसाठी मोठी सुविधा! प्रगत प्रजनन उपचारांची उपलब्धता होणार अधिक सक्षम
उजनीवर डेटा सेंटर उभारल्यास त्यासाठी मोठ्या प्रमाणावर पाण्याची आवश्यकता भासणार आहे. वॉटर सप्लाय च्या पाण्यावर जलशुद्धीकरण यंत्रणा बसवल्यानंतर ६० पाण्याचा अपव्य होतो, तर ४० टक्के पाणी वापरता येते. मात्र उजनीचे पाणी मोठ्या प्रमाणावर प्रदूषित असल्याने या प्रकल्पामध्ये मोठ्या प्रमाणावर पाण्याचा अपव्यय होणार आहे. बाष्पीभवनाच्या माध्यमातून डेटा सेंटरसाठी पाण्याचा उपयोग केला जाणार असल्याची माहिती आपणास ऐकीव आहे.
या प्रकल्पामुळे पाण्याचा अपवे मठ्या प्रमाणावर होणार असल्याने उजनी धरणावरील शेतीच्या पाण्याचा प्रश्न भविष्यात गंभीर होण्याची शक्यता आहे. या संदर्भात आपण राज्याच्या मुख्य सचिवासह संबंधित विभागाच्या अधिकाऱ्यांकडे लेखी माहिती मागितली आहे, ती अद्याप मिळाली नसून , त्यांच्याकडून लेखी माहिती पंधरा दिवसात मिळणार आहे, त्यानंतर आपण सविस्तर याबाबत बोलणार असल्याचे खासदार धैर्यशील मोहिते -पाटील यांनी यावेळी सांगितले.
आज जेष्ठ नेते शरद पवार यांच्याशी इंदापूर तालुक्यातील सोलापूर जिल्ह्यातील शेतकऱ्यांसोबत चर्चा केली. या शेतकऱ्यांना प्रस्तावित प्रकल्पाबाबत नोटिसा आलेल्या आहेत. शेतकऱ्यांसह मच्छीमार व्यवसाय का नही या प्रकल्पाचा फटका बसणार आहे, डेटा सेंटर मधून निघणारे सांडपाण्याची व्यवस्था कशी केली जाणार आहे, याची माहिती देखील दिली पाहिजे.
पश्चिम महाराष्ट्रातील जिल्हा बँकांच्या निवडणुकीमध्ये भाजपने लक्ष घातल्याच्या प्रश्नावर खासदार मोहिते पाटील म्हणाले, सहकारामध्ये राजकारण आणले नाही पाहिजे, मात्र ते जाणीवपूर्वक आणले जात आहे.
