ग्रामपंचायतीत सात कोटींचा भ्रष्टाचार उघड! गुन्हा नोंद आदेश असूनही प्रशासनाची टाळाटाळ; दोषींना पाठीशी घालण्याचा आरोप

Dharashiv : जिल्हा प्रशासनाचे प्रदूषण नियंत्रण मंडळाला तपासणीचे पत्र; नागरिकांच्या आरोग्यावर संकटाची भीती

दरम्यान, ग्रामपंचायतीची इतर खात्यांची पासबुके व आवश्यक रेकॉर्ड संबंधित ग्रामसेवकाने गायब केल्याचेही अहवालात नमूद करण्यात आले आहे. वेळोवेळी मागणी करूनही ही कागदपत्रे उपलब्ध करून देण्यात आलेली नसल्याचे देशमुख यांनी स्पष्ट केले आहे. कामे न करताच पाच महिन्यांत सुमारे २३ लाखांचा अपहार, तर पाच वर्षांच्या कालावधीत संगनमताने सात कोटी रुपयांची रक्कम हडप करण्यात आल्याचे रेकॉर्डवरून समोर आले आहे. या प्रकरणात तत्कालीन ग्रामसेवक एम. आर. सावंत व उपसरपंच सुभाष महादेव कळसुले यांना जबाबदार धरून त्यांच्यावर कायदेशीर कारवाई करण्याची शिफारस चौकशी अहवालात करण्यात आली आहे.

दरम्यान, जागरूक गावकऱ्यांच्या पाठपुराव्यानंतर गटविकास अधिकाऱ्यांनी संबंधित उपसरपंच व ग्रामसेवकांवर गुन्हा दाखल करण्याचे आदेश १५ जुलै २०२५ आणि ३० डिसेंबर २०२५ रोजी दिले आहेत. मात्र, सध्याचे विस्तार अधिकारी एस. एस. ढाकणे यांनी अद्याप पोलिसांत गुन्हा दाखल केलेला नाही. ढाकणे यांनी शासन निर्णयाचा हवाला देत, “पंचायत समिती कर्मचाऱ्यांवर पोलिसांत गुन्हा दाखल करण्याचे अधिकार विस्तार अधिकाऱ्यांना नसून ते केवळ गटविकास अधिकाऱ्यांना आहेत,” असे कारण देत गुन्हा नोंद करण्यास नकार दिल्याचे सांगितले आहे.

प्रशासनातील या गोंधळामुळे कोट्यवधींचा अपहार करणारे आरोपी मोकाट फिरत असून, याचा समाजमनावर विपरीत परिणाम होत असल्याचे चित्र आहे. या प्रकाराला तात्काळ पायबंद घालून दोषींवर कठोर कारवाई करावी, अशी मागणी नागरिकांतून जोर धरू लागली आहे.

“धाराशिव तालुक्यातील कसबे तडवळे आणि करजखेडा ग्रामपंचायतीतील भ्रष्टाचार प्रकरणी गुन्हा नोंद करण्याचे आदेश मला देण्यात आले होते. मात्र शासन निर्णयानुसार गुन्हा दाखल करण्याचे अधिकार विस्तार अधिकाऱ्यांना नसून ते गटविकास अधिकाऱ्यांकडे आहेत. त्यामुळे मी या प्रकरणी गुन्हा दाखल करणार नसल्याचे गटविकास अधिकाऱ्यांना कळविले आहे.” अशी माहिती पंचायत समिती विस्तार अधिकारी संजय ढाकणे यांनी दिली.

IIT Mumbai News: धक्कादायक! आयआयटी मुंबईमध्ये विद्यार्थ्याने संपवल जीवन; हॉस्टेलच्या ९ व्या मजल्यावरून मारली उडी, नेमकं कारण

संबंधित बातम्या