एकनाथ शिंदे गटनेते, तर भरत गोगावलेंची प्रतोद म्हणून नियुक्ती

शिवसेनेच्या वतीने अजय चौधरी यांना गटनेता म्हणून नियुक्त करण्यात आले होते. मात्र, सदर नियुक्ती रद्द करण्यात आली आहे. तसेच, सुनील प्रभू (Sunil Prabhu) यांची मुख्य प्रतोद म्हणून केलेली नियुक्ती रद्द करुन भरत गोगावले यांची मुख्य प्रतोद पदावर नियुक्ती (Appointment) करण्यात आली आहे, असे पत्र विधानमंडळ सचिवांनी पाठविले आहे.

मुंबई : अध्यक्षपदाच्या निवडणुकीत रविवारी पराभवाचा सामना करावा झाल्यानंतर शिवसेनेला (Shivsena) आणखी एक मोठा धक्का बसला आहे. शिवसेनेचे अजय चौधरी (Ajay Choudhari) यांचे गटनेते (Group Leader) पद रद्द (Cancelled) करण्यात आले आहे. तर, एकनाथ शिंदे (Eknath Shinde) हेच गटनेता असतील आणि भरत गोगावले (Bharat Gogawle) हे शिंदे गटाचे प्रतोद असतील, असे विधीमंडळाने (Legislative Assembly) जारी केलेल्या पत्रकात नमूद केले आहे. विधिमंडळ सचिवालयाने एकनाथ शिंदे यांना पत्र पाठवले आहे.

शिवसेनेच्या वतीने अजय चौधरी यांना गटनेता म्हणून नियुक्त करण्यात आले होते. मात्र, सदर नियुक्ती रद्द करण्यात आली आहे. तसेच, सुनील प्रभू (Sunil Prabhu) यांची मुख्य प्रतोद म्हणून केलेली नियुक्ती रद्द करुन भरत गोगावले यांची मुख्य प्रतोद पदावर नियुक्ती (Appointment) करण्यात आली आहे, असे पत्र विधानमंडळ सचिवांनी मुख्यमंत्री एकनाथ शिंदे आणि भरत गोगावले यांना पाठविले आहे.

एकनाथ शिंदेंची गटनेतेपदी नियुक्ती कायम
शिवसेना नेते एकनाथ शिंदे यांना दूर करुन अजय चौधरी यांची निवड करण्यात आली होती. याबाबत कायदेशीर तरतूदी पाहून अध्यक्ष महाराष्ट्र विधानसभा यांनी अजय चौधरी यांना शिवसेना विधिमंडळ पक्षाचे नेते म्हणून रद्द करुन एकनाथ शिंदे यांची दिनांक ३१ ऑक्टोबर २०१९ रोजी गटनेते म्हणून करण्यात आलेली नियुक्ती कायम ठेवण्यात येत आहे. सुनील प्रभू यांची मुख्य प्रतोद म्हणून केलेली नियुक्ती रद्द करुन भरत गोगावले यांची मुख्य प्रतोद पदावर नियुक्ती करण्यात आली आहे.