माजी आमदार निर्मला गावित यांचा शिवसेनेत प्रवेश , उबाठा गटाला नाशिक जिल्ह्यात मोठं भगदाड
ठाणे : नाशिक जिल्ह्यातील माजी आमदार निर्मला गावित तसेच उबाठा गटाच्या उपनेत्या, अनेक पदाधिकारी आणि इगतपुरी व त्र्यंबकेश्वर तालुक्यातील १५०० महिला कार्यकर्त्यांनी आज शिवसेना पक्षात जाहीर प्रवेश केला. यावेळी या सर्वांचे पक्षात स्वागत करून भावी सामाजिक आणि राजकीय वाटचालीसाठी उपमुख्यमंत्री एकनाथ शिंदे यांनी शुभेच्छा दिल्या.
लाडकी बहीण योजना, लाडका भाऊ, लाडक्या शेतकऱ्यांसाठी सुरु केलेल्या योजन या कधीच बंद होणार नाहीत. विधानसभा निवडणुकीत महायुतीने दिलेली आश्वासने टप्प्याटप्याने पूर्ण करणार असल्याची ग्वाही शिंदे यांनी दिली. आगामी स्थानिक स्वराज्य संस्थांच्या निवडणुकीत महायुतीचा भगवा फडकवण्यासाठी सर्वांनी कामाला लागावे, गाव तिथे शिवसेना आणि घर तिथे शिवसैनिक याप्रमाणे काम करण्याचे आवाहन नाशिकमधील पदाधिकाऱ्यांना केले. तसेच शालेय पोषण आहार योजनेसाठी काम करणाऱ्या महिलांचा मानधनवाढीचा विषयाबाबत शालेय शिक्षणमंत्री दादाजी भुसे यांच्याशी बोलून सकारात्मक मार्ग काढू असे आश्वस्त केले.
निर्मला गावित यांच्यासोबत श्रमिक वर्तमान कामगार संघटनेच्या शालेय पोषण आधार समितीचे अध्यक्ष शरद लोहकरे पाटील, तालुका अध्यक्ष मच्छिंद्र पवार, नाशिक जिल्हा परिषदेच्या उबाठाच्या माजी उपाध्यक्षा नयना गावित, सोमनाथ जोशी, मोतीराम दिवे, गणपत वाघ, मथुराताई जाधव, संदिप शिवराम जाधव, गणेश जाधव, साहेबराव धोंगडे, शरद कुटके, गुलाबराव वाजे, रमेश शिंदे, विलास मालुंजकर, अंबादास माडी, मधुकर पंडित झोले, नाना वारे, रमेश शेंडे, रमेश भोये, दिलीप घोरपडे, तुकाराम चौधरी, लालचंद चव्हाण, पवन दळवी, पुंडलिक कनोजे या पदाधिकाऱ्यांनी शिवसेनेत प्रवेश केला. यावेळी परिवहन मंत्री प्रताप सरनाईक, शिवसेनाप्रणित शिक्षक सेनेच्या राज्य प्रमुख आमदार किशोर दराडे, माजी आमदार नरेंद्र दराडे, शिवसेना सचिव राम रेपाळे, नाशिक जिल्हाप्रमुख अजय बोरस्ते यांच्यासह नाशिक जिल्ह्यातील शिवसेनेचे प्रमुख पदाधिकारी आणि शिवसैनिक उपस्थित होते.
यावेळी उपमुख्यमंत्री शिंदे म्हणाले की, आज पक्षात सामील झालेले कार्यकर्ते त्यांच्या घरी परतले आहेत. आजचा कार्यक्रम ठाण्यात आयोजित करण्यात आला आहे. हे धर्मवीर आनंद दिघे यांचे ठाणे आहे आणि त्यांनी दिलेली शिकवण आपल्यासोबत आहे. पदे येतात आणि जातात. सत्ता येते आणि जाते. उपमुख्यमंत्री शिंदे यांनी पुनरुच्चार केला की माझ्या मुख्यमंत्रीपदाच्या काळात सुरू झालेली लाडकी बहीण योजना कधीही थांबणार नाही. विधानसभा निवडणुकीदरम्यान दिलेली आश्वासने येत्या काळात टप्प्याटप्प्याने पूर्ण केली जातील, असे उपमुख्यमंत्री शिंदे यांनी आश्वासन दिले.
निवडणुकीदरम्यान लाडकी बहिण योजनेला विरोध करणाऱ्या विरोधकांना बहिणींनी पुसून टाकले. त्यामुळे ते निराधार आरोप करत आहेत. हे सर्वसामान्यांचे सरकार आहे. गेल्या अडीच वर्षात सरकारने सुरू केलेल्या कल्याणकारी योजनांमुळे महायुतीला निवडणुकीत ऐतिहासिक विजय मिळाला. या विजयात लाडकी बहिणींचे मोठे योगदान आहे. अशा कौतुकास्पद शब्दांत उपमुख्यमंत्री शिंदे म्हणाले की, येणाऱ्या स्थानिक स्वराज्य संस्थांच्या निवडणुकीत महायुतीचा भगवा झेंडा उंच फडकेल यासाठी सर्वांनी आतापासूनच कामाला सुरुवात करावी. यावेळी उपमुख्यमंत्री शिंदे यांनी नाशिकच्या अधिकाऱ्यांना अशा पद्धतीने काम करण्याचे निर्देश दिले की, जिथे गाव असेल तिथे शिवसेना आणि जिथे घर असेल तिथे शिवसैनिक असावेत, असं एकनाथ शिंदे यांनी म्हटलं आहे.
.png "Videos"){kind=small}
