Eknath Shinde X account hacked : DCM एकनाथ शिंदे यांचे X अकाउंट हॅक, पाकिस्तानी आणि तुर्की ध्वजांसह फोटो पोस्ट

Eknath Shinde X account hacked : राज्याचे उपमुख्यमंत्री एकनाथ शिंदे यांच्याबाबत मोठी बातमी समोर आली आहे. एकनाथ शिंदे यांचे एक्स अकाऊंट हॅक करण्यात आले आहे.

• एकनाथ शिंदे यांचे एक्स अकाऊंट हॅक
• एकनाथ शिंदे यांच्या अकाऊंटवरुन पाकिस्तानी आणि तुर्की ध्वजाचे फोटो पोस्ट
• अर्धा तासानंतर एकनाथ शिंदे यांचे अकाऊंट पूर्ववत

Eknath Shinde X account hacked : मुंबई : उपमुख्यमंत्री एकनाथ शिंदे यांच्याबाबत मोठी बातमी समोर आली आहे.राज्याचे उपमुख्यमंत्री एकनाथ शिंदे यांचे एक्स अकाउंट हॅक करण्यात आले आहे. यामुळे महाराष्ट्रातील राजकारणात एकच गोंधळ निर्माण झाला आहे. एकनाथ शिंदे यांचे ट्वीटर अर्थात आत्ताचे X  या सोशल मीडिया साईडवरील अकाऊंट हॅक करण्यात आले आहे.  याबाबत माहिती देताना एका अधिकाऱ्याने सांगितले की, महाराष्ट्राचे उपमुख्यमंत्री एकनाथ शिंदे यांचे ‘एक्स’ हँडल रविवारी हॅक करण्यात आले.

मिळालेल्या माहितीनुसार, हॅकर्सनी पाकिस्तान आणि तुर्कीच्या ध्वजांचे फोटो पोस्ट केले आहेत. हे फोटो आशिया कपशी देखील जोडले जात आहेत. भारत आणि पाकिस्तान आशिया कपमध्ये ज्या दिवशी त्यांचा दुसरा सामना खेळणार होते त्या दिवशी हॅकर्सनी दोन्ही इस्लामिक देशांच्या फोटोंसह फोटो लाईव्ह-स्ट्रीम केले.

अर्ध्या तासापेक्षा जास्त वेळ रिकव्हर करण्यासाठी गेला

एकनाथ शिंदे यांचे एक्स अकाऊंट हॅक झाल्यानंतर तात्काळ कारवाई करण्यात आली. तब्बल अर्ध्या तासाच्या प्रयत्नानंतर अकाऊंट पूर्ववत करण्यात आले. यानंतर एकनाथ शिंदे यांच्या खात्यातून या पोस्ट काढून टाकण्यात आल्या. एकनाथ शिंदे यांचे खाते पुनर्संचयित करण्यात आले आहे. या पोस्ट काढून टाकण्यासाठी सुमारे ४० ते ४५ मिनिटे लागली. त्यांच्या कार्यालयाच्या म्हणण्यानुसार, तांत्रिक पथकाने उपमुख्यमंत्र्यांच्या खात्यात प्रवेश मिळवण्यासाठी आणि त्याची सुरक्षा पुनर्संचयित करण्यासाठी विलंब न करता उपाययोजना करण्यात आल्या.

महाराष्ट्रसंबंधित बातम्या वाचण्यासाठी क्लिक करा

उपमुख्यमंत्री एकनाथ शिंदे यांचे सोशल मीडिया अकाऊंट आता पूर्णपणे पुनर्प्राप्त झाले आहे आणि ते सामान्यपणे कार्यरत देखील आहे. अधिकाऱ्यांनी असेही स्पष्ट केले की घटनेदरम्यान कोणतीही संवेदनशील माहिती चोरीला गेली नाही.

राजकीय बातम्या वाचण्यासाठी क्लिक करा 

राजकीय सायबर सुरक्षेबाबत चिंता वाढती

उपमुख्यमंत्री एकनाथ शिंदे यांचे सोशल मीडिया अकाऊंट हॅक झाल्यानंतर आता सोशल मीडियावरील सुरक्षेबाबत वाढत्या चिंतेचा मुद्दा समोर आला आहे. एका उच्च-प्रोफाइल राजकीय नेत्याच्या सोशल मीडिया हँडलचे हॅकिंग भारतातील सार्वजनिक व्यक्तींना भेडसावणाऱ्या सायबरसुरक्षा यामुळे चर्चेत आली आहे. राजकीय नेते नागरिकांशी थेट संवाद साधण्यासाठी X सारख्या प्लॅटफॉर्मचा वापर वाढत्या प्रमाणात करत असल्याने, अशा घटना मजबूत डिजिटल सुरक्षा उपायांचे महत्त्व वाढले आहे.