मतदार ओळपत्र नसले तरी, ‘या’ 12 ओळखपत्रांच्या सहाय्याने करता येणार मतदान!

मतदान प्रक्रियेत सहभागी होण्यासाठी मतदार ओळपत्र नसल्यास निवडणूक आयोगाने मतदार ओळखपत्राव्यतिरिक्त 12 प्रकारची ओळखपत्रे  ग्राह्य असतील. त्यासाठी मतदार यादीत नाव असणे आवश्यक आहे.

महाराष्ट्रातील विधानसभा निवडणुकीमध्ये सध्या प्रचाराची रणधुमाळी सुरु आहे. 10 दिवसांनी म्हणजे 20 नोव्हेंबर 2024 रोजी लोकशाहीचा उत्सव म्हणजेच मतदान प्रक्रिया पार पडणार आहे. राज्यात  एकाच टप्प्यात मतदान होणार आहे. या मतदानामध्ये सहभागी होण्याकरिता केंद्रीय निवडणूक आयोगाने मतदार ओळखपत्राव्यतिरिक्त 12 प्रकारची ओळखपत्रे  ग्राह्य असतील असे स्पष्ट केले आहे. या 12 प्रकारच्या ओळपत्रांपैकी कोणताही एक पुरावा तुम्ही तुमच्यासोबत ठेवलात तर तुम्ही मतदान करु शकतात अशी माहिती मुख्य निवडणूक अधिकारी कार्यालयाने दिली आहे.जाणून घेऊया याबद्दल

हे देखील वाचा- ‘महाराष्ट्रावरील गद्दारीचा डाग ही अमित शाहांची देण…’; पृथ्वीराज चव्हाण यांचा घणाघात

निवडणूक आयोगाच्या आदेशानुसार राज्यातील विधानसभा सार्वत्रिक निवडणुकीसाठी ज्या मतदारांकडे छायाचित्रासह मतदार ओळखपत्र आहे, ते मतदार मतदान केंद्रावर त्यांची ओळख पटविण्यासाठी छायाचित्रासह मतदार ओळखपत्र सादर करु शकतात.  मात्र जे मतदार छायाचित्रासह मतदार ओळखपत्र सादर करू शकणार नाहीत, अशा मतदारांची ओळख पटविण्यासाठी मतदार ओळखपत्रा व्यतिरिक्त 12 पैकी कोणताही एक पुरावा मतदानासाठी  ग्राह्य धरला जाणार आहे.

एखाद्या मतदाराकडे मतदानावेळी  निवडणूक ओळखपत्र नसल्यास 12 प्रकारच्या पुराव्यांपैकी एक पुरावा असणे आवश्यक आहे.

12 ओळखपत्रे पुरावा

• आधार कार्ड,
• मनरेगा अंतर्गत निर्गमित करण्यात आलेले रोजगार ओळखपत्र,
• बँक किंवा टपाल विभागातर्फे छायाचित्रासह वितरित करण्यात आलेले पासबुक,
• कामगार मंत्रालयाद्वारा वितरित आरोग्य विमा स्मार्ट कार्ड, वाहन चालक परवाना (ड्रायव्हिंग लायसन्स),
• पॅन कार्ड,
• राष्ट्रीय लोकसंख्या नोंदवही अंतर्गत भारतीय महानिबंधक आणि जनगणना आयुक्तांनी जारी केलेले स्मार्ट कार्ड,
• पारपत्र (पासपोर्ट),
• निवृत्तीवेतनाची दस्तावेज,
• केंद्र अथवा राज्य शासन, तसेच सार्वजनिक क्षेत्रातील उपक्रम, पब्लिक लिमिटेड कंपन्यांनी आपल्या कर्मचाऱ्यांना वितरित केलेले छायाचित्र ओळखपत्र,
• संसद, विधानसभा, विधानपरिषदेच्या सदस्यांना वितरित केलेले अधिकृत ओळखपत्र,
• भारत सरकारच्या सामाजिक न्याय व सशक्तिकरण मंत्रालयाच्यावतीने दिव्यांग व्यक्तींना वितरित केलेले विशेष ओळखपत्र

हे 12 पुरावे मतदानासाठी ग्राह्य धरले जाणार आहेत. अनिवासी भारतीयांना त्यांची ओळख पटविण्यासाठी त्यांचा मूळ पासपोर्ट आवश्यक असणार आहे.

हे देखील वाचा- कल्याण पश्चिमेत वाहतूक कोंडी सोडण्यासाठी सचिन बारसेंना निवडून द्या ! शिवसेना उपनेत्या सुषमा अंधारेंचे आवाहन

मतदारांसाठी महत्वाच्या सूचना

एखाद्या मतदाराने मतदार यादीतील आपल्या पत्त्यातमध्ये  बदल केला असेल, मात्र त्याला अद्याप नवीन मतदार ओळखपत्र मिळाले नसेल तर आधीचे ओळखपत्र ग्राह्य धरले जाईल. मात्र त्या व्यक्तीचे नाव विद्यमान पत्यासह मतदार यादीत असणे आवश्यक आहे. तसेच सर्व नोंदणीकृत मतदारांना मतदान दिनांकाच्या किमान पाच दिवस आधी मतदान केंद्र, यादी भाग क्रमांक, मतदानाची तारीख, वेळ आदी माहितीच्या चिठ्ठ्यांचे निवडणूक कार्यालयाकडून वितरण केले जाईल. मतदारांनी मतदान केंद्रावर जाताना मतदार माहिती – चिठ्ठी आणि छायाचित्र ओळखपत्रासोबत घेऊन यावे, असे आवाहन मुख्य निवडणूक अधिकारी कार्यालयाकडून करण्यात आले आहे.