विरारमध्ये आरटीआय कार्यकर्त्याच्या घरात गोळीबार

विरार पोलीस ठाण्यात याप्रकरणी आरोपींच्या विरोधात गुन्हा दाखल करण्यात आला आहे.

Follow Us:

Follow Us:

विरार : विरारमध्ये आरटीआय कार्यकर्त्याच्या घरात अज्ञात आरोपींनी गोळीबार केल्याची घटना घडली आहे. हा गोळीबार केल्यानंतर आरोपी फरार झाले आहेत. विरार पोलीस ठाण्यात याप्रकरणी आरोपींच्या विरोधात गुन्हा दाखल करण्यात आला आहे.

विरार पूर्वीच्या गोपचार पाडा परिसरातील आशियाना अपार्टमेंटमध्ये मोबीन शेख हे आपल्या पत्नी व मुलांसोबत राहतात. ते माहिती अधिकारात सक्रिय आहेत. काल मध्यरात्री रात्री साडेतीन वाजताच्या सुमारास मोबीन हे पत्नी, दोन मुली व मुलासोबत खिडकीला लागून असलेल्या बेडवर एकत्र झोपले होते. यावेळी आरोपींनी त्यांच्या घराचा दरवाजा ठोकून आमची आई आजारी असल्याचे सांगून मदत मागण्याचा बहाना केला. याच दरम्यान आरोपींनी खिडकीतून बेडवर एक गोळी फायर करून पळ काढला. सुदैवाने फायर झालेली गोळी कोणाला न लागता भिंतीला घासून लागली, त्यामुळे या गोळीबारात कोणीही जखमी झाले नाही.

घटनेची माहिती विरार पोलिसांना मिळाल्यानंतर पोलिसांची विविध पथके घटनास्थळी दाखल झाले असून आरोपीचा शोध घेतला जातं आहे. याप्रकरणी विरार पोलीस ठाण्यात अज्ञात आरोपिंविरोधात हत्येचा प्रयत्न केल्याप्रकरणी गुन्हा दाखल करण्यात आला आहे. जुलै 2023 मध्ये मोबीन यावर ऍसिड हल्ला झाला होता, या हल्ल्यातील आरोपिंना पोलिसांनी अटक केली होती.

Web Title: Firing at rti activists house in virar right to information act virar crime case palghar crime case maharashtra police maharashtra crime cases

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com