कल्याण डोंबिवली गोळीबारप्रकरणी गणपत गायकवाडांना 14 फेब्रुवारीपर्यंत पोलीस कोठडी, वाचा सुनावणीदरम्यान नेमकं काय झाल

गणपत गायकवाड यांनी केलेल्या गोळीबार प्रकणावर उल्हासनगर कोर्टात सुनावणी झाली असून यावेळी पोलिसांनी गणपत गायकवाड यांची 14 दिवसांच्या कोठडीची मागणी केली.

Follow Us:

Follow Us:

ठाणे : उल्हासनगरमध्ये झालेल्या गोळीबारानंतर आमदार गणपत गायकवाड (Ganpat Gaikwad) यांना कोर्टात हजर करण्यात आले होते. पण, अवघ्या काही मिनिटांत गणपत गायकवाड यांना कोर्टातून बाहेर काढण्यात आले. दरम्यान आमदार गणपत गायकवाड यांना 14 फेब्रुवारीपर्यंत पोलीस कोठडी सुनावण्यात आली आहे.

उल्हासनगर कोर्टात सुनावणी

गोळीबारप्रकरणी उल्हासनगर कोर्टात सुनावणी घेण्यात आली. सुरुवातीला गणपत गायकवाड यांना व्हीसीद्वारे कोर्टात हजर करणार असल्याचे सागंण्यात आले होते. पण, प्रकरणाची गंभीरता लक्षात घेता व्हीसीद्वारे हजर न करता प्रत्यक्षात गणपत गायकवाड यांना कोर्टात हजर करण्यात आले होते. तसेच यावेळी पोलिसांनी गणपत गायकवाड यांची 14 दिवसांची पोलीस कोठडी कोर्टाकडे मागण्यात आली आहे.

सुनावणीदरम्यान नेमकं काय झालं?
न्यायाधीश ए.ए निकम यांच्या बेंचसमोर ही सुनावणी घेण्यात आली. गणपत गायकवाड यांनी गोळीबार केला असल्याची माहिती यावेळी पोलिसांनी कोर्टात दिली. त्यानंतर गणपत गायकवाड यांची बंदूक पोलिसांकडून जप्त करण्यात आली. तसेच, या प्रकरणात आम्हाला सखोल चौकशी करायची असून फरार आरोपींचादेखील आम्हाला शोध घ्यायचा आहे, असेही पोलिसांनी कोर्टात सांगितले आहे. पोलिसांनी 14 दिवसांची पोलीस कोठडी द्यावी, अशी मागणी पोलिसांनी केली, त्यानंतर कोर्टाने त्यांचा निकाल हा राखून ठेवला होता. पण, आता गणपत गायकवाड यांना 14 दिवसांची पोलीस कोठडी सुनावण्यात आली आहे.

घटनेचं सीसीटीव्ही समोर

हिललाईन पोलीस स्टेशनमध्ये आमदार गणपत गायकवाड महेश गायकवाड आणि राहुल पाटील यांच्यासह इतरांसोबत होते. या दोन्ही गटांत आधी बसून सुरू असलेल्या चर्चेत अचानक वातावरण तापलं आणि आमदार गणपत गायकवाड यांनी थेट पिस्तूल काढून गोळीबाराला सुरुवात केली. महेश गायकवाड आणि राहुल पाटील यांना या गोळीबारात गोळ्या लागल्या.

दोन्ही कार्यकर्त्यांची एकमेकांशी तुंबळ हाणामारी

गोळीबाराचा आवाज ऐकल्यावर तातडीने एका पोलिसाने आत धाव घेतली. मात्र, तोवर आमदार गायकवाड हे महेश गायकवाडला मारहाण करीत होते. त्यांना रोखण्याचा पोलीस कर्मचाऱ्याने प्रयत्न केला. त्याचवेळी दोन्ही गटांच्या कार्यकर्त्यांनीही आत धाव घेतली. दोन्ही कार्यकर्त्यांची एकमेकांशी तुंबळ हाणामारी झाली. एकमेकांवर खुर्च्या उचलून कार्यकर्त्यांची हाणामारी झाली.

Web Title: Ganpat gaikwad remanded in police custody till february 14 in kalyan dombivli shooting case read what actually happened during the hearing nryb

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com