GSB Ganpati: पूजाविधीसाठी विशेष ख्याती, 5 दिवसात होणार 1,00,000 पेक्षा अधिक पूजा आणि सेवा

GSB Ganpati: जीएसबी गणपतीची ख्याती जगभर पसरली आहे. सर्वात श्रीमंत ही ख्याती असण्यासह या मंडळात ५ दिवसात अनेक पूजाविधी आणि महाप्रसाद केले जातात. याशिवाय अन्नदान सेवाही दिली जाते

• जीएसबी गणपतीच्या पंडालमध्ये होणार १ लाखापेक्षा अधिक पूजा

• ५ दिवसांत २ लाखांपेक्षा महाप्रसाद आणि अन्नदान सेवा

• ७२ वे वर्ष करणार साजरे 

GSB Ganpati: नीता परब/ मुंबईतील वडाळा स्थित जीएसबी सेवा मंडळाचा अर्थात  ‘नवसाला पावणारा विश्वाचा राजा’ महागणपतीचे यंदा ७२ वे वर्ष आहे. या ऐतिहासिक ७२ व्या गणेशोत्सवाच्या पार्श्वभूमीवर (१४  ते १८ सप्टेंबर ) दरम्यान विविध पवित्र पूजाविधी होणार आहेत. 

जी.एस.बी. सेवा मंडळ  हे अखंड अध्यात्म, धार्मिक निष्ठा आणि पवित्र पूजाविधींसाठी विशेष प्रसिद्ध असल्याचे संबोधले जाते.ज्यामुळे देशभरातील भाविक या पवित्र धार्मिक सेवेसाठी पाच दिवस आवर्जून हजेरी लावतात. यावर्षी या बाप्पाचा तब्बत ७०३ कोटींचा विमा उतरविण्यात आला आहे. केवळ ५ दिवस या बाप्पाचं दर्शन घेता येतं आणि इथे भाविकांची अक्षरशः रांग लागलेली दिसून येते. हा बाप्पा नवसाला पावतो अशी त्याच्या आख्यायिका सांगितली जाते आणि त्यामुळेच इथे खास व्यवस्थाही करण्यात आली आहे. नवस पूर्ण झालेले भक्त इथे आपल्या वजनाइतक्या गोष्टी दानही करतात. 

१,००,००० हून अधिक पूजा आणि सेवा होणार

पाच पवित्र दिवसात विविध धार्मिक पूजा आणि अन्नदान सेवा होणार असून या पावन दिवसांत  पारंपरिक वैदिक पुरोहितांच्या हस्ते १,००,००० हून अधिक पूजा व सेवा संपन्न होणार असल्याचे मंडळाकडून सांगण्यात आले.

Ganesh Chaturthi: महाराष्ट्रापुरतीच नाही, देशातील या ८ राज्यांमध्येही गणेश चतुर्थीची धूम; जाणून घ्या कुठे कसा साजरा होतो उत्सव

कशाप्रकारे असणार मुख्य धार्मिक सेवा व पूजा:

• विशेष पूजा: महा मूढगणपती पूजा व मूढगणपती पूजा
• हवन व नैवेद्य: सहस्र मोदक हवन व मोदक नैवेद्य
• पुष्प सेवा: पुष्प पूजा, पूर्ण दिवस पुष्प सेवा आणि रंग पूजा
• अर्चन व दीप सेवा: दीपाराधना सेवा व दुर्वा अर्चा सेवा
• अन्न व प्रसाद सेवा: महाभोग सेवा, प्रसाद वितरण सेवा आणि सहस्र भोजन सेवा
• विशेष नवस व सेवा: तुळाभार सेवा आणि पूर्ण दिवस सेवा

५ दिवसांत २ लाखांपेक्षा अधिक भक्तांना महाप्रसाद व अन्नदान सेवा

सेवेच्या प्रदीर्घ परंपरेला जपत, या उत्सवादरम्यान दररोज ४०,००० भाविकांना ताजा महाप्रसाद दिला जाणार आहे. अशा प्रकारे ५ दिवसांत २ लाखांपेक्षा जास्त भाविकांसाठी अन्नदान सेवेचे आयोजन करण्यात आले आहे.

Mumbaicha Raja First Look: कमळावर उभा, अष्टभुजा अवतारी; मुंबईच्या राजाचा पहिला लुक

गणेशोत्सवात ‘गो ग्रीन’ उपक्रम

जीएसबी मंडळाकडून गणेशोत्सवामध्ये डिजिटल पद्धतीचा अवलंब करण्यात येत असून, पारंपरिक आणि छापील पावत्यांची पद्धत बंद केली आहे. यामुळे कागदाचा अपव्यय टाळला जातो आणि पर्यावरणपूरक उत्सवाला चालना मिळते. या गणेशोत्सवात मंडळाकडून ‘गो ग्रीन’ (पर्यावरणपूरक) उपक्रम राबविण्यात येत आहे. तसेच महागणपतीची मूर्ती पर्यावरणपूरक असून, पर्यावरणाचा समतोल राखण्याच्या दृष्टीने मंडळाकडून पूर्ण काळजी घेतली जात असल्याचे सांगण्यात आले.