Photo Credit- Social Media
HMPV Virus Enter in Mumbai : चीनमध्ये थैमान माजवणाऱ्या ह्यूमन मेटान्यूमोवायरस (HMPV) व्हायरसचे रुग्ण आता भारतातही समोर येत आहेत. कालच नागपुरात दोन रूग्णांची नोंद कऱण्यात आली होती. याला चोवीस तास उलटत नाहीत तोच मुंबईतही एका सहा महिन्यांच्या बाळाला एचएमपीव्ही विषाणूचा संसर्ग झाल्याची माहिती समोर आी आहे. मुंबईतील एका सहा महिन्यांच्या मुलीला या व्हायरसची बाधा झाली होती. तिच्यावर मुंबईच्या हीरानंदानी रुग्णालयात उपचार करण्यात आले. 1 जानेवारीपासून ती रुग्णालयात दाखल होती. उपचारानंतर तिला रुग्णालयातून सुटी देण्यात आली आहे.
नागपूरमध्ये या विषाणूच्या संसर्गाचे दोन नवीन रुग्ण आढळले आहेत. देशभरात आतापर्यंत सात जणांना या विषाणूचा संसर्ग झाल्याचे समोर आले आहे. मात्र, केंद्र सरकारने सांगितले आहे की या प्रकरणांमध्ये वाढ झाली तरी कोविडसारखी परिस्थिती उद्भवणार नाही. बेंगळुरू, नागपूर, आणि तमिळनाडूमध्ये प्रत्येकी दोन, तर अहमदाबादमध्ये एक रुग्ण नोंदवला गेला आहे. महाराष्ट्राचे मुख्यमंत्री देवेंद्र फडणवीस यांनी जनतेला आवाहन केले आहे की HMPV विषयी घाबरण्याची गरज नाही. माध्यमांशी संवाद साधताना त्यांनी सांगितले की हा विषाणू नवीन नाही; तो यापूर्वीही दिसून आला आहे आणि सध्या तो पुन्हा सक्रिय झाला आहे. लवकरच योग्य ती नियमावली जाहीर केली जाईल. तसेच केंद्र सरकारने राज्यांना यासंदर्भात माहिती पुरविण्याचा निर्णय घेतला असून माध्यमांनी अधिकृत माहितीच प्रसारित करावी, असेही त्यांनी सुचवले.
धक्कादायक ! स्वतःच्या अंत्यविधीची व्यवस्था करून लग्नाच्या वाढदिवशीच दाम्पत्याची
ह्यूमन मेटान्यूमोवायरस (HMPV) हा श्वसनसंस्थेशी संबंधित आजार निर्माण करणारा व्हायरस आहे. या व्हायरसची पहिली नोंद 2001 मध्ये झाली होती. याचा समावेश पैरामायक्सोविरिडे प्रजातीत होतो. हा व्हायरस रेस्पिरेटरी सिंकाइटियल व्हायरस (RSV) शी संबंधित आहे.
हा व्हायरस प्रामुख्याने लहान मुलांना, वयोवृद्धांना, तसेच कमी रोगप्रतिकारशक्ती असलेल्या लोकांना गंभीरपणे बाधित करू शकतो. मात्र, बहुतेक रुग्णांमध्ये हा आजार सर्दी-खोकल्यासारखा जाणवतो आणि काही काळानंतर बरा होतो. केंद्र सरकारने याबाबत सर्तhmpv virus symptomsक राहण्याचे निर्देश दिले असून, घाबरण्याचे कारण नसल्याचे सांगितले आहे.
V Narayanan new ISRO Chief: व्ही. नारायणन होणार ISROचे नवे प्रमुख; 14 जानेवारीला पदभार स्वीकारणार
चीनमध्ये थैमान घालणाऱ्या या व्हायरसचे रुग्ण आता भारतातील कर्नाटक, गुजरात, तामिळनाडू आणि महाराष्ट्रातही आढळले आहेत. नागपूरमध्ये दोन मुलांना या व्हायरसची बाधा झाली असून, देशात आतापर्यंत एकूण सात रुग्ण आढळले आहेत. मात्र, मुंबईतील रुग्णालयात दाखल असलेल्या मुलीला उपचारानंतर घरी पाठवण्यात आले आहे.
