पुण्यानंतर नागपुरातही ‘हिट अँड रन’; नशेत धुंद कारचालकाने तिघांना उडवलं
पुण्यातील अपघात प्रकरण राज्यभर गाजत असतानाच दुसरीकडे नागपूर शहरातील दाटीवाटीचा परिसर असलेल्या महाल परिसरातील झेंडा चौकाजवळ एका मद्यधुंद कारचालक तरुणाने तीन जणांना उडवल्याची घटना घडली आहे.
नागपूर : पुण्यातील अपघात प्रकरण राज्यभर गाजत असतानाच दुसरीकडे नागपूर शहरातील दाटीवाटीचा परिसर असलेल्या महाल परिसरातील झेंडा चौकाजवळ एका मद्यधुंद कारचालक तरुणाने तीन जणांना उडवल्याची घटना घडली आहे. या घटनेत पायी जाणारी महिला, पुरुष आणि तीन महिन्याचा चिमुकला जखमी झाला आहे. या बाळाची अवस्था गंभीर असल्याची माहिती आहे.
नागपुरात झेंडा चौकामध्ये शुक्रवारी रात्री ‘हिट अँड रन’ची घटना घडलेली आहे. दारू आणि गांजा सेवन करून बेदारकपणे वाहन चालवणाऱ्यांनी पायी जाणाऱ्या तिघांना उडवला आहे. पोलिसांनी केलेल्या कारवाईमध्ये तिन्ही आरोपींवर एनडीपीएस कायद्यांतर्गत गुन्हा दाखल करण्यात आलेला आहे. कोतवाली पोलीस स्टेशन मध्ये 32 ग्राम गांजा जप्त केला. त्यात विदेशी दारूच्या दोन बॉटल मिळून आल्या आहेत. लोकांनी या तरुणाला बेदम मारहाण केली आणि पोलिसांच्या ताब्यात दिले.
पोलिसांनी नागरिकांच्या मदतीने गाडीत बसलेल्या तिन्ही आरोपींना अटक केली. त्यात कारचालक आणि कारमध्ये बसलेले तिघांनी दारूचे सेवन केल्याचा संशय असून पोलिसांनी त्यांना मेडिकलसाठी पाठवले आहे. तसेच त्यांच्या गाडीतून बिअरच्या बॉटल सुद्धा मिळून आल्या आहेत. सर्व आरोपींची कसून चौकशी केली जाणार असल्याचे डीसीपी गोरख भामरे यांनी सांगितले. आरोपींना आज न्यायालयात हजर करण्यात येणार आहे.
Web Title: In nagpur too a drunk driver hit three people nrdm
.png "Videos"){kind=small}
