Santosh Deshmukh: संतोष देशमुख हत्येतील सर्व आरोपींना आझाद मैदानावर फाशी द्या; जेजुरीत ग्रामस्थांचे आंदोलन

जेजुरी: बीड जिल्ह्यातील मस्साजोग येथील सरपंच संतोष देशमुख यांच्या हत्येतील सर्व आरोपींना मुंबईच्या आझाद मैदानावर फाशीची शिक्षा देण्यात यावी, आमदार धनंजय मुंडे यांना सहआरोपी करण्यात यावे यासह कै.महादेव मुंडे, कै.सोमनाथ सूर्यवंशी यांच्या आरोपींना शिक्षा झाली पाहिजे यासाठी जेजुरीकर ग्रामस्थांच्या वतीने छत्रपती शिवाजी महाराज चौक येथे निषेध आंदोलन करून जेजुरी पोलीस स्टेशनचे पोलीस उपनिरीक्षक नामदेव तारडे यांना निवेदन देण्यात आले.

महाराष्ट्रामध्ये खून, दरोडे, बलात्कार व खंडणी वसुली यांसारखे महाराष्ट्राला शरमेने मान खाली घालायला लावणारे प्रकार उघडपणे सुरु आहेत. महाराष्ट्रातील कायदा व सुव्यवस्था यांचे बारा वाजले असून याची सरकारला कुठल्याही प्रकारची शरम उरलेली दिसत नाही. एकेकाळी बिहार हे देशातील कायदा व सुव्यवस्था बिघडलेले राज्य म्हणून ओळखले जायचे.परंतु आता महाराष्ट्रामध्ये बिहारलाही मागे टाकतील,असे प्रकार बिनबोभाट सुरु आहेत. त्यामुळे गुन्हेगारी, खंडणी, लुटमार, बलात्कार अशा घटनांना पायबंद घालण्यासाठी या शासनाने कडक पावले उचलावीत, संतोष देशमुख आणि महादेव मुंडे यांच्या आरोपींना आझाद मैदानात फाशीची शिक्षा द्यावी, धनंजय मुंडे यांना सहआरोपी करावे तसेच परभणीच्या सोमनाथ सूर्यवंशी यांच्याबाबत सुद्धा चौकशी करून दोषींना शिक्षा द्यावी, अशी मागणी यावेळी करण्यात आली तसेच घोषणाबाजी करण्यात आली.

संतोष देशमुखांच्या पत्नीचा धक्कादायक खुलासा

सरपंच संतोष देशमुख हत्या प्रकरणात आज  बीड जिल्हा आणि सत्र न्यायालयात पहिली सुनावणी पार पडली. या सुनावणीवेळी  मोठा खुलासा झाला आहे. हत्या होण्याच्या आदल्या दिवशी म्हणजे ८ डिसेंबर रोजी, संतोष देशमुख यांनी पत्नी अश्विनी देशमुख यांच्याशी बोलताना “वाल्मिक कराड आणि त्याची लोकं मला मारून टाकतील” अशी भीती व्यक्त केली होती, असे दोषारोपपत्रातील त्यांच्या जबाबावरून उघड झाले आहे. या घटनेनंतर ९ डिसेंबरला संतोष देशमुख यांचे अपहरण करून निर्घृण हत्या करण्यात आली. या नव्या खुलाशामुळे या प्रकरणात आरोपींवरचा दबाव आणखी वाढणार आहे.

Santosh Deshmukh Case: संतोष देशमुखांच्या पत्नीचा धक्कादायक खुलासा; हत्येच्या आदल्या दिवशी व्यक्त केली होती भीती

८ डिसेंबर 2024 रोजी संतोष देशमुख यांनी पत्नीला आपल्या हत्येची शक्यता व्यक्त केली. तर ९ डिसेंबरला त्यांचे अपहरण करून हत्या करण्यात आली. असं संतोष देशमुख यांच्या पत्नीने दिलेल्या दोषारोपपत्रातील जबाबातून हा महत्त्वाचा तपशील उघड झाला आहे.  या नव्या पुराव्यानंतर प्रकरणाला वेगळी कलाटणी मिळण्याची शक्यता असून, आरोपींवरील खटल्याची सुनावणीला अधिक गंभीर वळणावर जाऊ शकते, असं घेऊ शकते.

Web Title: Jejuri people demand to death penalty to santosh deshmukh case accused beed crime azad maidan marathi news

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News  only on Navarashtra.com