सोलापूर कृषी उत्पन्न बाजार समितीवर कल्याणशेट्टींच्या पॅनलने गुलाल उधळला; 13 जागांवर मारली बाजी

ग्रामपंचायत मतदारसंघात दोन्ही पॅनेलला समान संधी मिळाली. याच मतदारसंघात मनीष देशमुख यांच्या निवडणुकीच्या राजकीय कारकिर्दीची सुरूवात होणार असल्याने सुभाष देशमुख यांनी आपली प्रतिष्ठा पणाला लावली होती. याठिकाणी मोठ्या प्रमाणात क्रॉस वोटिंगची चर्चा होती. उत्तर सोलापूरमध्ये बळीराम साठे आणि जितेंद्र साठे यांनी नान्नज केंद्रावर दिवसभर ठिय्या मांडला होता. शिवसेनेचे माजी जिल्हाप्रमुख दीपक गायकवाड हे गणेश वानकर यांच्यासाठी दिवसभर उत्तर सोलापूरमध्ये थांबले होते. प्रचाराच्या अखेरच्या दिवशी, या मतदारसंघातून अनेक उमेदवारांनी स्वतःसाठी मत मागितली आहेत, त्यामुळे ग्रामपंचायत निवडणुकीत धक्कादायक निकाल येण्याची शक्यता नाकारता येत नाही.