कर्जत तालुक्यातील तिसरे महा राजस्व अभियान कळंब येथे आयोजित केले होते.कर्जत तालुक्यातील महसूल मंडल कळंब येथे दिनांक 10 मार्च 2026 रोजी प्रगती माध्यमिक विद्यालय कळंब येथे ही समाधान शिबिर आयोजित केले होते.या शिबिराची सुरुवात तालुक्याचे तहसीलदार डॉ धनंजय जाधव आणि रायगड जिल्हा परिषदेचे समाजकल्याण समितीचे सभापती नारायण डामसे यांच्याहस्ते झाले.यावेळी पंचायत समितीच्या सदस्या रेश्मा जोशी,भूमिअभिलेख उप अधीक्षक नितीन आटाळे,तालुका पुरवठा अधिकारी दळवी तसेच माजी सरपंच आवेश जूवारी,रविंद्र झांजे यांच्यासह स्थानिक कार्यकर्ते उपस्थित होते.
निवासी नायब तहसीलदार नितीन राऊत आणि मंडळ अधिकारी संतोष जांभळे यांनी उपस्थितींचे स्वागत केले. या शिबिरामध्ये लाभार्थींना रहिवासी दाखले, उत्पन्नाचे दाखले, नॉन क्रिमिनल दाखले, तसेच नवीन रेशन कार्ड, दुय्यम रेशन कार्ड, देण्यात आले. तसेच संजय गांधी निराधार योजनेअंतर्गत अर्थसहाय्य योजनेचा लाभ,नवीन आधार कार्ड दुरुस्ती सातबारा दुरुस्ती करण्याचे काम करण्यात आले.या समाधान शिबिराचे निमित्ताने कळंब प्राथमिक आरोग्य केंद्राचे वतीने आरोग्य शिबिर आयोजित केले होते.तर भूमी अभिलेख कडून गावांमधील गावठाण सीमा निश्चित करण्यासाठी ड्रोन मोजणीचा शुभारंभ करण्यात आला.तर लाभार्थ्यांना केसरी आणि पिवळे रेशन कार्ड,जिवंत सातबारा,फेरफार उतारे,आदिवास दाखल,वयाचा दाखला, सातबारा आणि आठ ‘अ’ वाटप,आधार कार्ड दुरुस्ती,स्त्रियांच्या मालकी हक्कांची नोंद आदी कामे करून देण्यात आली.
या शिबिरात कळंब भागातील लाभार्थ्यांना दाखल्यांचे वाटप करण्यात आले तर लाभार्थ्यांकडून विविध प्रकारच्या दाखल्यांसाठी 870 अर्ज दाखल झाले. यावेळी उपस्थित यांच्याशी संवाद साधताना महाराजस्व अभियानात सर्वांना एकाच ठिकाणी दाखले देण्याची सरकारची योजना आहे.कळंब येथील तालुक्याच्या तिसऱ्या महाराजस्व अभियानाला जमलेली गर्दी यामुळे ही शिबिर यशस्वी झाल्याचे दिसून येत आहे.त्यात मंडळ अधिकारी संतोष जांभळे यांचे मोठे योगदान असल्याचे जाहीर केले.त्यावेळी हे शिबिर यशस्वी होण्यासाठी ग्राम महसूल अधिकारी निलेश पवार,आकाश निफाळे,रणजीत कोळेकर,शशिकांत हुशगुंडे,वंदना कांबळे,मोहिनी भडांगे,यांचा महत्वाचा सहभाग होता.
राज्य लोकसेवा आयोग कडून यशस्वी ठरलेल्या आदिवासी तरुण नवीन वाघ यांचा पोलिस उप निरीक्षक झाल्याबद्दल कौतुक करण्यात आले.
समाधान शिबिर – मंडळ कळंब
महसूल विभाग
उत्पन्नाचा दाखला: 276
जात प्रमाणपत्र: 108
अधिवास प्रमाणपत्र: 96
आधार कार्ड: 12
भूमि अभिलेख आकारपोट पत्र: 1
कृषी व इतर योजना
पीएम किसान: 23
महाडीबीटी: 7
ऍग्री स्टॅक: 72
निवडणूक विभाग
फॉर्म क्रमांक 8: 2
सामाजिक योजना
संजय गांधी निराधार योजना: 48
पुरवठा विभाग
एकूण लाभार्थी: 86
आरोग्य विभाग
चेस्ट एक्स-रे: 11
डोळे तपासणी: 42
सिकल सेल अॅनिमिया: 29
एचबी (HB): 53
सर्वसाधारण आरोग्य तपासणी: 57
एकूण लाभार्थी: 870 असं एकंदरितच या योजनेमुळे लाभार्थ्यांना याचा फायदा मिळाल्याने समाधानकारक बाब असल्याचं म्हटलं जात आहे.
.png "Videos"){kind=small}
