Karuna Sharma on Dhananjay Munde: ‘… म्हणून मला मान्यता दिली आहे’; कोर्टाच्या निकालानंतर करुणा शर्मांची प्रतिक्रिया

राज्याचे मंत्री व अजित पवार गटाचे नेते धनंजय मुंडे यांच्या अडचणींमध्ये दिवसेंदिवस वाढ होत आहे. करुणा शर्मा यांनी धनंजय मुंडे यांच्या विरोधात आवाज उठवला होता. यामध्ये करुणा मुंडे यांना कोर्टाकडून दिलासा मिळाला आहे.

Karuna Sharma: राज्याचे मंत्री व अजित पवार गटाचे नेते धनंजय मुंडे यांच्या अडचणींमध्ये दिवसेंदिवस वाढ होत आहे. करुणा शर्मा यांनी धनंजय मुंडे यांच्या विरोधात आवाज उठवला होता. यामध्ये करुणा मुंडे यांना कोर्टाकडून दिलासा मिळाला आहे. कोर्टाने मंत्री धनंजय मुंडे घरगुती हिंसाचारामध्ये दोषी ठरवले आहे. करुणा शर्मा यांनी दरमहा 15  लाख रुपये पोटगी देण्याची मागणी केली होती. मात्र कोर्टाने दिलासा दिल्यानंतर करुणा शर्मा यांना दरमहा 2 लाख रुपये पोटगी देण्याचे आदेश कोर्टाने मंत्री धनंजय मुंडे यांना दिले आहे. यावर आता करुणा शर्मा यांनी प्रतिक्रिया दिली आहे.

कोर्टाच्या निर्णयानंतर करुणा शर्मा यांनी प्रतिक्रिया दिली आहे. करुणा शर्मा म्हणाल्या, ‘कोर्टाने पहिली बायको म्हणून मला मान्यता दिली आहे. मी लढा दिला आहे. यासाठी मोठी किंमत चुकवली आहे. गेले तीन वर्ष मी लढा देत आहे. मला करुणा शर्मा नाही तर मला करुणा मुंडे म्हणा. मी न्यायाधीश, कोर्ट आणि माझे वकील यांचे मनापासून आभार मानते.

कोर्टाने 2 लाख रुपये पोटगी देण्याचा निर्णय दिला. त्यावर बोलताना करुणा शर्मा म्हणाल्या, ‘कोर्टाच्या ऑर्डरवर मी समाधानी नाही. आम्हाला महिन्याच्या खर्चासाठी 15 लाख महिन्याला हवेत. त्यामुळे मी हायकोर्टात दाद मागणार आहे.’ कौटुंबिक न्यायालयाने हा निर्णय घेतला आहे. कोर्टाने धनंजय मुंडे यांना मोठा धक्का दिला असून यामुळे धनंजय मुंडेंच्या अडचणींमध्ये वाढ झाली आहे.

हेही वाचा: Karuna Dhananjay Munde : मंत्री धनंजय मुंडे घरगुती हिंसाचारामध्ये दोषी; करुणा मुंडेना दरमहा एवढी पोटगी

धनंजय मुंडे यांच्या पूर्व पत्नी करुणा मुंडे यांनी गंभीर आरोप केले होते. घरगुती हिंसाचाराचे आरोप करुणा मुंडे यांनी गंभीर आरोप केले होते. करुणा मुंडे यांनी धनंजय मुंडे यांच्याविरोधात कौटुंबिक न्यायालयामध्ये हिंसाचाराची केस दाखल केली होती. यामध्ये कोर्टाने धनंजय मुंडे यांना धक्का दिला आहे. वांद्रे कौटुंबिक न्यायालयाने धनंजय मुंडेंना दोषी ठरवले आहे. करुणा मुंडे यांचे आरोप कोर्टाने स्वीकारले आहेत.

धनंजय मुंडे यांच्या पूर्व पत्नी करुणा मुंडे यांनी एका वाहिनीशी संवाद साधला. यावेळी त्यांनी कौटुंबिक न्यायालयाचे आभार मानले आहेत. करुणा मुंडे म्हणाल्या की, “न्यायालयाचे मी खूप आभार मानते. आज सत्याचा विजय झाला आहे. लोकांना असं वाटतं की कोर्टामध्ये न्याय मिळत नाही, पण मला न्याय मिळाला आहे. औरंगाबाद कोर्टामध्ये देखील माझा विजय झाला होता. आता वांद्रे कौटुंबिक न्यायालयामध्ये देखील माझा विजय झाला आहे. त्यामुळे न्यायालयाचे आणि न्यायाधीश यांचे आभार मानते,” असे मत करुणा मुंडे यांनी व्यक्त केली आहे.