ठाण्याच्या लेकीने डॉक्टरकीचा व्यवसाय सांभाळत केला विक्रम, कश्मिरा संखेचा UPSC परीक्षेत राज्यात पहिला क्रमांक

कश्मिरा पुण्याच्या चाणक्य मंडळाची (Chanakya Mandal) विद्यार्थिनी आहे. कश्मिरा डेंटिस्ट आहे. स्वतःचा डॉक्टरकीचा व्यवसाय सांभाळून तिने युपीएससी परिक्षेत यश संपादित केलं आहे.

मुंबई: केंद्रीय लोकसेवा आयोगाच्या (UPSC Exam 2022) 2022 च्या परीक्षेचा निकाल आज जाहीर झाला आहे. इशिका किशोर हिने UPSC परीक्षेत देशात पहिला क्रमांक पटकावला आहे.  तर ठाण्याच्या डॉ. कश्मिरा संखे (Kashmira Sankhe) ही महाराष्ट्रात पहिली आली आहे. कश्मिराने देशातून 25 वा क्रमांक पटकावला आहे.

कश्मिरा पुण्याच्या चाणक्य मंडळाची विद्यार्थिनी
कश्मिरा पुण्याच्या चाणक्य मंडळाची (Chanakya Mandal) विद्यार्थिनी आहे. कश्मिरा डेंटिस्ट आहे. स्वतःचा डॉक्टरकीचा व्यवसाय सांभाळून तिने हे यश संपादित केलं आहे. मी पास झाले यावर मला विश्वास बसत नाही. आपल्या या यशाचं श्रेय कश्मिराने आपल्या आईवडलांना दिलं असून, आता IAS ऑफिसर बनून देशाची सेवा करणार असल्याचं तिने सांगितलं आहे.

देशात पहिली येईन असं वाटलं नव्हतं -इशिका
इशिका किशोर हिने UPSC परीक्षेत देशात पहिला क्रमांक पटकावला आहे. दैदिप्यमान कामगिरी केल्यानंतर इशिताने म्हटलं की, मला यशाची पूर्ण अपेक्षा होती. मी देशात पहिली येईन असं वाटलं नव्हतं. हा माझ्यासाठी अत्यंत सुखद धक्का आहे. इशिताने दिल्ली विद्यापीठाच्या श्री राम कॉलेज ऑफ कॉमर्समधून अर्थशास्त्र विषयात शिक्षण घेतलं आहे. सिव्हिल सर्व्हिसेस परीक्षेत अव्वल ठरलेल्या इशिता किशोरला भारतीय प्रशासकीय सेवेत (IAS) काम करण्याची इच्छा आहे.