Gokul Milk Chairman Election 2026: गोकुळच्या राजकारणात मोठ्या घडामोडी; फडणवीसांच्या भेटीपूर्वीच सतेज पाटलांचा मोठा डाव

Gokul Milk Chairman Election 2026: सतेज पाटील यांनी या सर्व शक्यता फेटाळून लावल्या असून, गोकुळ दूध संघाच्या अध्यक्षपदाच्या निवडीत महायुतीचे नेते सहकार्य करतील, त्याबाबत आपण हसन मुश्रीफ, विनय कोरे आणि चंद्रदीप नरके यांच्यासोबत आपली आधीच चर्चा झाली आहे, असेही त्यांनी म्हटले आहे.

• सतेज पाटील पॅनेलचे १३ तर महायुतीचे १२ संचालक विजयी.
• २९ ऑक्टोबरच्या नव्या अध्यक्ष निवडीसाठी महायुतीचा डाव टाकण्याच्या तयारीत
• मुंबईत महायुतीचे नेते मुख्यमंत्री देवेंद्र फडणवीस यांची भेट घेणार.

Gokul Milk Union Chairman Election 2026: कोल्हापूर जिल्हा सहकारी दूध उत्पादक संघ अर्थात गोकुळच्या निवडणुकीत सत्ताधारी महायुतीने संपूर्ण ताकद पणाला लावूनही पराभवाचा सामना करावा लागला. काँग्रेस नेते सतेज पाटील यांच्या नेतृत्वाखालील समविचारी पॅनेलने 13-12 अशा फरकाने महायुतीच्या पॅनेलचा पराभव केला. सतेज पाटलांच्या समविचारी पॅनेलला केवळ चार जागा मिळतील, असा अंदाज निवडणुकीपूर्वी वर्तवला जात होता. पण त्यातही काठावरचे बहुमत मिळवत त्यानी विजय खेचून आणला. पण त्याच दरम्यान महायुतीच्या काही नेत्यांनी 25-0 अशा विजयाचा दावा केला. मात्र, प्रत्यक्ष निवडणुकीत सतेज पाटील यांनी महायुतीला धक्का देत आपले 13 संचालक निवडून आणले.

गोकुळच्या निवडणुकीनंतर आता येत्या 29 ऑक्टोबरला गोकुळच्या नवनिर्वाचित संचालक अध्यक्षांची निवड केली जाणार आहे. मात्र, गोकुळवर सत्ता मिळवण्यात अपयशी झालेल्या महायुतीकडून अध्यक्षपदाच्या निवडणुकीत नवा डाव टाकला जाण्याची शक्यता आहे.

Gokul Result 2026 : ‘निकाल चोरायचा प्रयत्न केला तर घराबाहेरही पडू देणार नाही,’ रोहित पवारांच्या पोस्टने खळबळ, निकालात मोठा ट्विस्ट

मुख्यमंत्री देवेंद्र फडणवीस यांच्याशी चर्चा होणार?

गोकुळच्या अध्यक्षपदाच्या निवडीसंदर्भात महायुतीचे नेते आज मुख्यमंत्री देवेंद्र फडणवीस यांची भेट घेण्याची शक्यता आहे. मुख्यमंत्र्यांचा सल्ला घेऊन महायुती आपली पुढची चाल खेळणार असल्याची चर्चा कोल्हापुरच्या राजकीय वर्तुळात सुरू झाली आहे. आज मुंबईत राज्य मंत्रिमंडळाची नियोजित बैठक होणार आहे. या बैठकीनंतर महायुतीचे नेते फडणवीसांशी चर्चा करतील, असे सांगितले जात आहे.

सुत्रांच्या माहितीनुसार, अध्यक्ष निवडीच्या सभेला गैरहजर राहण्याबाबत महायुतीच्या नवनिर्वाचित संचालकांना अद्याप कोणत्याही सूचना देण्यात आलेल्या नाहीत. पण, गोकुळच्या अध्यक्षपदासाठी महायुतीकडून आपला उमेदवार दिला जाऊ शकतो. तसे झाल्यास गोकुळच्या संचालक मंडळाच्या निवडणुकीप्रमाणेच अध्यक्षपदाची निवडणूकही रंगतदार होण्याची शक्यता आहे.

Gokul Result 2026 : गोकुळमध्ये सतेज पाटील यांची बाजी! 13-12 च्या निकालात कोण जिंकलं? पाहा संपूर्ण यादी

सतेज पाटलांनी शक्यता फेटाळली

दरम्यान, सतेज पाटील यांनी या सर्व शक्यता फेटाळून लावल्या असून, गोकुळ दूध संघाच्या अध्यक्षपदाच्या निवडीत महायुतीचे नेते सहकार्य करतील, त्याबाबत आपण हसन मुश्रीफ, विनय कोरे आणि चंद्रदीप नरके यांच्यासोबत आपली आधीच चर्चा झाली आहे, असेही त्यांनी म्हटले आहे.

गोकुळ दूध संघाचे संस्थापक चेअरमन स्वर्गीय आनंदराव पाटील चुयेकर यांच्या मुलाला अध्यक्ष करण्याचे स्वप्न पूर्ण होत आहे. त्यामुळे महायुतीचे नेते वेगळा निर्णय घेतील, असे वाटत नसल्याचे सतेज पाटील म्हणाले.

तसेच, शासनमान्य संचालक किंवा स्वीकृत संचालकांना मतदान करता येत नाही, असेही त्यांनी स्पष्ट केले. असे मतदान होऊ लागले, तर सहकार क्षेत्रातील निवडणुकांना काही अर्थ उरणार नाही, अशी भूमिका त्यांनी मांडली.