कुर्डुवाडी : एक महिला शेतामध्ये ऊसाला पाणी देत असताना तिचे तोंड दाबून एका नराधमाने तिच्यावर जबरदस्ती करत अत्याचार केल्याची घटना कुर्डवाडी येथे घडली. याप्रकरणी पीडित महिलेने कुर्डुवाडी पोलिसांत तक्रार दाखल केली असून, तिघा जणांवर गुन्हा दाखल झाला आहे.
याबाबत पोलिसांनी दिलेली माहिती अशी की, ४ ऑगस्ट २०२१ दुपारी १२ च्या सुमारास मौजे उजनी ता. माढा येथे पीडित महिला शेतामध्ये ऊसाला पाणी देत असताना आरोपी हा तिथे आला आणि आबाला माझ्यासोबत बोलायला लावा यावर फिर्यादीने मी मध्ये पडणार नाही. तुम्ही येथून निघून जा. कोणी बघितले तर माझे वाटोळे होईल. यावर संशयित विजय शिंदे याने मी वाटोळे करायलाच आलो आहे, असे म्हणत फिर्यादी पीडित महिलचे तोंड दाबून त्याठिकाणीच ऊसाच्या शेतात पीडित महिलेवर अत्याचार केला. तसेच याबाबत जर कोणाला सांगितले तर मी तुझ्या पोरीला घेऊन जाईन, असेही धमकावल्याचे फिर्यादीत म्हटले आहे.
भीतीपोटी पीडिताने ही गोष्ट कोणाला सांगितली नाही. त्यानंतर ३१ डिसेंबरला दुपारी १२.३० च्या सुमारास पीडितेचा पती घरी नसताना जवळ येऊन ऊसात चल असे म्हणत होता. सायंकाळी पीडितेचे पती घरी आल्यानंतर पीडिता व तिचा पती जाब विचारण्यासाठी शिंदे याच्या घरी गेले असता शिंदे याची पत्नी व वडिल यांनी पीडिता व तिच्या पतीस शिवीगाळ दमदाटी करुन धक्काबुक्की केली. म्हणून पीडितेच्या फिर्यादीवरुन आरोपी विजय शिंदे व त्याची पत्नी व वडिल यांच्याविरूद्ध कुर्डुवाडी पोलिसांत गुन्हा दाखल केला आहे. पुढील तपास पोलिस उपनिरीक्षक हनुमंत वाघमारे हे करीत आहेत.
